فاریاب ولایتی‌نینگ کوهستان تومنی کمیده 50 کون آلدین طالبان گروهی نظارتی گه اوتگن و شونچه مدتده محل یشاوچیلریدن 500 کیشی طالب‌لرنینگ قمراویده دیر.
قمراوده قالگن کیشی‌لرنینگ ایتیشیچه، بوتون بار امکانیت‌لری یکونلنگن و حاضر آذیق و آوقت جایی‌گه چیقیندی ییمک‌لر و آت ییتی‌‌دن فایده‌لنه‌دیلر.
سلام‌وطندارگه صحبت بیرگن کوهستان تومن قومندانلیگی‌نینگ سرپرستی محمدناصرخان نینگ ایتیشیچه، مرکزدن کوهستان قتناو یولی بیش ییل آلدین باغلنگن ایدی.
بیراق مذکور تومن‌نینگ طالبان قولی‌گه سقوط قیلیشی بیلن محل‌ده قالگن اهالی نینگ وضعیتی ایلگریدن کوره یمان بولگن.
عین حالده، فاریاب ولایتی حاکمی نقیب‌الله فایق محل‌ده‌گی یشاوچیلرنینگ وضعیتی یمان‌لیگی نی تَن‌آلیبب ایتیشیچه، کوهستان قتناویولی‌نینگ قیته آچیش، خوفسیزلیک کوچلری‌نینگ کوچی‌دن تشقری دیر و شو یوزه‌دن چیت‌ایللیک کوچلر اولرگه یاردم بیریشی کیره‌ک.
کوهستان تومن ولسوالی عبدالرحمان پناه هلاک بولیشی بیلن مذکور تومن‌نینگ مرکزی طالبلر نظارتی‌گه اوتدی. حکومت مذکور تومن نی نظارت‌گه آلیش اوچون حاضرگچه حرکت قیلمه‌گن.
