فاریاب ولایتیده مردمی کوچلر قومندانلریدن بیرقطاری، 1300000 افغانی بدلی‌ده 30 قیشلاقنی طالب‌لرگه ساتگن‌لر.
سلام‌وطندارگه صحبت بیرگن گرزیوان ولسوالی فیض‌الله نینگ ایتیشیچه، اوشبو ولایتده «مردمی کوچلر قومندانلریدن بیرقطاری» خواجه‌غار، یوخن، دره‌شاخ، تخاره، آب‌باریک و بهارک منطقه‌لرینی طالب‌لرگه ساتگن‌لر. بیراق، قومندانلردن آت توتمه‌ی ایتیشیچه، قیشلاقلرنی طالب‌لرگه ساتگن‌لریدن سونگ، بلخ ولایتی گه قاچیب کیتگن‌لر.
گرزیوان ولسوالی گه کوره، حاضر یالغیز تومن بازاری اطرافیده‌گی قیشلاقلر امنیتی کوچلرنینگ نظارتیده قالگن.
فیض‌الله نینگ ایتیشیچه، مذکور قومندانلر دولت‌دن حقوق آلیب و طالب‌لرگه همکارلیک قیله‌دی ایکن‌لر. اونینگ آگاه‌لنتیریشیچه، حکومت تیزلیک‌ده چاره تدبیر کورمه‌گن صورتده، قالگن تورت قیشلاق هم طالب‌لرنینگ نظارتی گه اوته‌دی.
شونینگ‌دیک، فاریاب ولایتی کینگشی ده گرزیوان نماینده‌سی صبغت‌الله سیلاب، مردمی کوچلر قومندانلری آرقه‌لی قیشلاقلر طالب‌لرگه ساتیلگنینی تصدیق‌لب و فاریاب مدیریتی خصوصیده، حکومت‌نی بی‌فرق یانده‌شیش گه عیب‌له‌یدی.
عین حالده، فاریاب پولیس قومندانلیگی سوزلاوچیسی کریم یورش‌نینگ ایتیشیچه، مردمی کوچلر قومندانلری آره‌سیده شخصی خصومت‌لر و حزبی قره‌مه قرشی‌لیک‌لر باعث، قیشلاقلردن بیرقطاری، طالب‌لرنینگ قولی گه سقوط قیلگن. بیراق 30 قیشلاق رقمی‌نی جوده کوپ دیب ایتیشیچه، حاضر گرزیوان تومنی‌نینگ 75% حکومت نظارتیده دیر.
بوندن آلدین هم فاریاب‌ده مردمی کوچلر قومندانلری بیلن طالبلر همکارلیگی توغریسیده گزارشلر ترقه‌تیلگن؛ سونگی پیت‌لرده گرزیوان تومنیده مردمی کوچلر قومندانلریدن بیری، 80 نفری بیلن مذکور گروه گه قوشیلگن ایدی.
