فاریاب دکاندارلری و تولیدی شرکت‌لر مسؤوللریدن بیرقطاری، مذکور ولایتده آتیشمه‌لر نتیجه‌سیده برق سیم‌لری کیسیلیشیدن شکایت قیلیشگن.
اولرنینگ ایتیشیچه، امنیتی کوچلر و طالبان گروهی آره‌سیده‌گی آتیشمه‌لر جریانیده چیت‌ایل‌دن کیله‌دیگن برق سیم‌لری کیسیلیشی نتیجه‌سیده، برق کم‌لیگی گه روپه‌ره بوله‌دیلر و بو قیین‌چیلیک ایشلریگه زیان ییتکیزه‌دی.
میمنه-مزارشریف قتناو یولیده جایلشگن فاریاب تومن‌لریده امنیتی کوچلر و طالبان آره‌سیده یوز بیرگن آتیشمه‌لرده اینگ کوپ زیان چیت‌ایل دن کیله‌دیگن برق سیم‌لریگه ییتیشه‌دی.
فاریاب ولایتیده سرسبز معدنی سوو تولیدی شرکت مسؤولی مرادنینگ سلام‌وطندارگه ایتیشیچه، برق یوقلیگی باعث، جنراتوردن فایده‌لنه‌دی، بیراق جنراتوردن فایده‌لنیش آغیر توشه‌دی.
فاریاب پولیس قومندانلیگی سوزلاوچیسی عبدالکریم یورش نینگ ایتیشیچه، میمنه-مزارشریف قتناو یولیده امنیتی کوچلر و طالبان گروهی ایریم پیت‌لر آتیشه‌دیلر و چیت‌ایل‌دن کیله‌دیگن برق سیم‌لریگه اوق تیگیشی نتیجه‌سیده، مذکور ولایت نینگ نیچه تومنی نی برقی کیسیلگن.
فاریاب ده برشنا شرکتی باشلیغی سیدعبدالحمیدنینگ ایتیشیچه، آتیشمه‌لر جریانیده برق سیم‌لری کیسیله‌دی و بو شرکت گه هم زیان ییتکیزه‌دی، چونکه اونگه کوره، قیته قوریش خرجتی جوده هم کوپ دیر.
عین حالده، فاریاب ده محلی بیر منبع نینگ ایتیشیچه، طالبان گروهی نیچه تومن نینگ برق پولی نی توپلش گه علاوه، ایریم پیت‌لر ماین ییرلشتیریب برق پایه‌لرینی ییقیته‌دی.
