فاریاب امنیتی مسئوللری نینگ ایتیش‌لریچه، بو ولایتده بیر ایرکک تورموش اورتاغی و 3 باله‌سینی اولدیرگن.
فاریاب پولیس قومندانلیگی سوزلاوچیسی عبدالکریم یورش بو خبرنی تصدیق‌لب سلام‌وطندارگه ایتیشیچه، اوشبو ایرکک ترورچیلیک‌که قرشی کوره‌ش پولیسی آرقه‌لی قولگه آلینیب و تدقیقات آستیده آلینگن.
مذکور حادثه اوتگن کون (شنبه 21- سرطان) کیچ قورون فاریاب مرکزی میمنه شهریده یوزبیرگن.
مذکور عایله نینگ یقیین‌لریدن بیری عبدالاحمد نینگ ایتیشیچه، مذکور ایرکک حبس ده ایکن، بیراق کرونا ویروسی اوچون جمهوررئیسی نینگ بویروغی اساسیده، نیچه پیت آلدین قوییب یوباریلگن.
فاریاب مرکزی کسلخانه‌سی نینگ عدلی طب مسئولی داکتر سمیر عنایت نینگ ایتیشیچه، بیر باله بوغیب اولدیریلگن و شونینگدیک باشقه ایکی باله آنه‌سی بیلن کوپ دهشت‌لی شکلده پچاق‌لب اولدیریلگن.
