فاریاب ولایتی‌ده امنیتی رسمی‌لرنینگ ایتیشیچه، بوگون (سه‌شنبه) ایرته‌لب غورماچ تومنی‌نینگ بناسی و امنیه قومندانلیگی طالب‌لرنینگ قولی‌گه سقوط قیلگن.
فاریاب ولایتی‌ده «209 شاهین» قول اردو قومندانی جنت‌گل کروخیل‌نینگ سلام‌وطندارگه ایتیشیچه، آغیر و یینگیل قورال‌لر بیلن جهازلنگن یوزلرچه طالب اوتگن کیچه غورماچ تومنی اوستیگه هجوم قیلگن‌لر، بیراق امنیتی کوچلرنینگ قرشی‌لیگی‌گه روپه‌ره بولیب و نیچه ساعت‌لیک آتیشمه نتیجه‌سیده، غورماچ تومنی‌نینگ بناسی و امنیه قومندانلیگی بوگون «سه‌شنبه» ایرته‌لب ساعت 8 ده طالب‌لرنینگ قولی‌گه سقوط قیلگن.
فاریاب‌ده حربی کوچلر قومندانی‌نینگ ایتیشیچه، غورماچ تومنی‌ده یوزبیرگن آتیشمه‌لرده طالب‌لرگه آغیر زیان ییتکیزیلگن، بیراق آرتیقچه معلومات بیرمه‌یدی.
«209 شاهین» قول اردو قومندانی‌نینگ کوپه‌یتیریشیچه، امنیتی کوچلر، غورماچ تومنی‌نی قیته‌دن قولگه آلیش اوچون عملیات باشله‌گن‌لر و بو تومن تیزلیک‌ده طالب‌لردن تازه‌لنه‌دی.
