فاریاب ولایتی‌نینگ یشاوچیلریدن مینگ‌لرچه‌سی کینگ بیر نمایش یولگه قوییب، جمهور رییس بیرینچی اورین باسری جنرال عبدالرشید دوستم مملکت‌گه قیتریب آلیب کیلینیشی‌نی سوره‌گن‌لر.
افغانستان ملی اسلامی جنبش حزبی، اسلامی جمعیت حزبی و ولایتی کینگش مسؤوللری شامل فاریاب ولایتی‌نینگ یشاوچیلری، جمهور رییس بیرینچی اورین باسری جنرال عبدالرشید دوستم مملکت‌گه قیتریب آلیب کیلینیب و بیرینچی اورین باسرلیک صلاحیت‌لری اونگه بیریلیشی‌نی طلب قیلگن‌لر. اوشبو نمایش فاریاب ولایتی‌نینگ مرکزی میمنه شهردارلیک پارکی‌ده یولگه قوییلگن.
شونینگ‌دیک، ییغین اشتراکچی‌لری، بلخ ولایتیدن چیکلنتیریلگن والی عطامحمد نور دن حمایت بیلدیرگن‌لر.
فاریاب‌ده اوتکزیلگن نمایش‌ده نطق سوزله‌گن‌لر، ملی بیرلیک حکومت باشلیغ‌لرینی اهالی‌گه بیرگن سوزلرینی عمل قیلمس‌لیککه عیب‌لب ایتیشیچه، حکومت باشلیغ‌لری مملکت قوملری آره‌سیده قره‌مه قرشی‌لیک ایجاد قیلیب، فساد و تینچ سیزلیک‌که زمینه یره‌تگن.
اوشبو ییغین اشتراکچی‌لری‌نینگ آگاه‌لنتیریش‌لریچه، جنرال دوستم مملکت گه قیتریلیب و جمهورلیک ریاستی بیرینچی اورین باسرلیک صلاحیت‌لری اونگه قیتریب بیریلمه‌گن صورتده، کینگ مدنی ناراضیلیک نمایشلرگه قول اوروشلری ممکن.
شونینگ‌دیک، ییغین اشتراکچی‌لری، بلخ ولایت مقامیدن عطامحمد نور چیکلنتیریلگنینی قاره‌لب، حکومت و چیت ایللیک حامی‌لریدن سیاسی سیمالرنی حذف قیلیش‌دن قول تارتیش‌لرینی سوره‌گن‌لر.
عین حالده، اوشبو ییغین اعتراضچیلری ملی بیرلیک حکومتدن تنقید قیلیب ایتیشیچه، اوتگن اوچ یریم ییل‌ده ملی بیرلیک‌نی حقیقی شکلده تمثیل قیله آلمه‌گن.
اوشبو نمایش اشتراکچی‌لری ییغین اداغیده بیش ماده‌لیک بیر شرطنامه صادر قیلیب و اونده ملی بیرلیک حکومت باشلیغ‌لریدن جنرال عبدالرشید دوستم و جنرال عطامحمد نور بیلن بولگن قره‌مه قرشی‌لیک‌لریگه نقطه قوییش‌لرینی طلب قیلگن.
شمال‌نی ناتینچ قیلیش پروژه یکونلنیشی، داعش گروهی حمایتی‌دن قول تارتیش و فسادگه قرشی کوره‌ش ییغین اشتراکچی‌لری‌نینگ باشقه ایستک‌لریدن بولگن.
