دنیانینگ بیر قنچه دولتلری رهبری تورکیهده حربیلرنینگ دولت تونتریلیشینی عملگه آشیریشگه اورینیشی یوزهسیدن بیانات چقریب، دیموکراتیک یول بیلن سیلنگن حکومتنی قوللب – قوتلشنی اعلان قیلدیلر.
افغانستان حکومتی تورکیه دیموکراتیک یول بیلن سیلنگن حکومتی نابرقرارلیکلر آلدینی آلیب، بو مملکت سیاسی تقدیری ینه خلقی اوچون دایمی آسایشتهلیک نی یرهتیش گه امید بیلدیرگن.
جمهور رییسلیک سرایی و اجراییه ادارهسی تامانیدن نشر ایتیلگن خبرنامهده کیلیشیچه، افغانستان ملی بیرلیک حکومتی تورکیهنینگ دموکراتیک یول بیلن سیلنگن حکومتیدن اوز حمایتلرینی اعلان قیلگنلر. اعلامیهده هر قندهی ناقانونی و دیموکراتیککه قرشی عملگه آشیریله دیگن فعالیت قارهلنگن.
جمور رییس همده اجراییه باشلیغی، افغانستان خلقی حکومتنی تونتریلیشینی تجربه قیلگنلر دیب، خلق آوازی اساسیده دیموکراتیک یول بیلن سیلنگن حکومت اینگ قانونی معقول و ایجابی تیزیم ایکنلیگی اوستیده تاکید ایتگنلر.
اقش جمهور رییسی بارک اوباما تورکیهده حربیلرنینگ دولت تونتریلیشینی عملگه آشیریشگه اورینیشی یوزهسیدن بیانات چیقاریب، برچه حزبلردن مملکت نینگ دیموکراتیک یول بیلن سیلنگن حکومتینی قوللب – قوتلشلریگه چقیردی.
شونینگدیک آلمان حکومتینینگ سوزلاووچیلریدن بیری هم اوز تیوتر صحفهسیده تورکیهدهگی دیموکراتیک یول بیلن وجودگه کیلگن حکومتدن اوز حمایتینی اعلان قیلگن.
رسمی انقر بیلن علاقهسی اونچهلیک یخشی بولمهگن رسمی مسکو هم تورکیهده یوز بیرگن واقعهنی جدی قارهلدی. شونینگدیک بریتانیا تشقی ایشلر وزیرلیگی هم تورکیه دهگی وضعیتدن تشویش بیلدیریب، مساله بارهسیده اوز آرقه داشلیگینی بیلدیرگن.
شوکبی تورکیه باش وزیری بن علی یلدیرم، بوتون تورکیه ایلیدن کیچه مملکت بیرغینی تیکلب شهرنینگ اصلی میدانلریده توپلهنیشلرینی سورهگن.
سونگی پیت لرده گولگن و تکریه حکمتی اورته سیده گی مناسبت لر سیکین ساووقلشماقده ایدی. محلی عاموی اخبارات واسطه لری اوزه ته یاتگن سوگنی خبرلرگه کوره، حکومت انقره گه نظارت نی تولیق قیتریب آلگن. رسمیلر، حربی لر قوزغه لانی نینگ موفقیت سیز یکونلنگن لیگینی ادعا قیلماقده.
