فاریاب پولیس قومندانلیگی‌نینگ سوزلاوچیسی عبدالکریم یورش‌نینگ بو خبرنی تصدیق‌لب ایتیشیچه، 23 یاشر زهرا آت‌لی عیال ایناغه‌سی تامانیدن اولدیریلگن.
جناب یورش‌گه کوره، مذکور عیال‌نینگ ایناغه‌سی قتل‌دن سونگ، محل‌دن قوچیپ کیتگن و بو توغریده حاضرگه‌قدر هیچ‌کیم قولگه آلینمه‌گن و تحقیقات‌لرنینگ دوامی بار.
فاریاب ولایتی‌نینگ ساغلیق‌نی سقلش اداره‌سینی عدلی طب مسوولی داکتر فرنگیس‌نینگ ایتیشیچه، اوشبو عیال‌نینگ تنه‌سیگه 11 پیچاق تیککن.
خانم فرنگیس‌نینگ کوپه‌یتیریشیچه، اولدیریلگن عیال‌دن ایکی باله قالگن.
فاریاب ولایتیده انسان حقلری کمیسیونی دفتری‌نینگ ایشلاوچیسی حمیدالله عظیمی‌نینگ ایتیشیچه، سونگی بیر ییل جریانیده 32 قتل و خودکش واقعه رویخط‌گه آلینگن.
