بوگون ایرته‌لب (شنبه 20- ثور) غور یشاوچی‌لری نینگ اعتراضی زوروانلیک‌که تارتیلدی. حادثه شاهدلری نینگ سلام‌وطندارگه ایتیشیچه، بو ولایت یشاوچی‌لریدن یوزلرچه‌سی عربی بیر موسسه یاردم‌لری عدالت‌سیز شکلده ترقه‌تیلیشی باعث مذکور ولایت مقام دفتری برابریده اعتراض بیلدیریشگن ایکن کیم بو اعتراض زوراونلیک‌که تارتیلگن.
غور ولایتیدن سلام‌وطندار خبرچیسی نینگ ایتیشیچه، اعتراضچیلر پولیس بیلن آتیشگن بیر حالده، پولیس اعتراضچی‌لرنینگ اوستیگه اوق آتگن.
ایتیلیشیچه، مذکور حادثه‌ده 4 کیشی هلاک و باشقه 12 کیشی یره‌لنگن.
بیراق غور ولایتی کسلخانه باشلیغی نصیر پارسا نینگ ایتیشیچه، حاضرگچه حادثه محلی‌دن بیر جسد و 8 یره‌دار بو کسلخانه‌ده انتقال بیریلگن.
شونینگدیک، مذکور حادثه‌ده محلی بیر رسانه ایشلاوچیسی هم هلاک ایتیلگن.
غور محلی مسئوللری حادثه تلفاتی توغریسیده حاضرگچه هیچ بیر نرسه دیمه‌گن.
