سلاموطندارگه صحبت بیرگن غور ولایتینینگ ساغلیقنی سقلش ریاستی باشلیغی جمعهگل یعقوبینینگ ایتیشیچه، اوشبو ولایتده ساغلیقنی سقلش مرکزلردن 60 فایزدن آرتیغینی بِناسی یوق و بو موضوع کوپینچه قیینچیلیک یرهتگن.
یعقوبینینگ کوپهیتیریشیچه، بو ولایتده ساغلیک امکانیتی جوده هم آز دیر؛ چونکه هر 4200 کیشی اوچون بیر بستر و هر 83200 کیشی اوچون بیر متخصص داکتر موجود.
غور ولایتینینگ ساغلیقنی سقلش ریاستی باشلیغی گه کوره، اولر کینگ بیر ریجه بیلن قیینچیلیککه قرشی کورهشیب و بو ولایتده ساغلیق خذمتلری کوپهییشی توغریسیده سعی و حرکت قیلهدی.
باشقه تاماندن، غور ولایتینینگ مدنی فعاللریدن بیرقطاری، اوشبو ولایتده ساغلیق خذمتلری ارایه ایتیلیشینی جوده هم آز دیب ایتیشیچه، بو ولایتنینگ کوپینچه منطقهلریده حاضرگچه اهالی ساغلیقنی سقلش مرکزلرگه قول تاپه آلمهیدی.
اولرنینگ ایتیشیچه، اوشبو ولایتده ساغلیق خذمتلری یخشی بیر شکلده ارایه ایتیلمهگنیدن نیچه مرته تنقید قیلگنلر؛ بیراق حاضرگهقدر بو مسئله گه دقت قیلینمهگن.
اوشبو ولایت مدنی فعاللرینینگ ایتیشیچه، بو ولایتده بولگن ساغلیقنی سقلش مرکزلریدن کوپینچهسیده متخصص داکتر و کیفیتلی دارو یوق دیر. شونینگدیک، ساغلیقنی سقلش مرکزلردن بیرقطاری جوده هم اوزاقلیگی باعث، کسل یولده جان بیرهدی.
شونینگدیک، غور حاکمینینگ سوزلاوچیسی عبدالحی خطیبی، ساغلیق بولیمیده بولگن قیینچیلیکنی تصدیقلب ایتیشیچه، اوشبو ولایتنینگ بوتون ساغلیقنی سقلش مرکزلریده 164 بستر موجود و بونچه بستر بو ولایتنینگ 700 مینگدن آرتیق جمعیتینینگ ساغلیق نیازلرینی تأمین قیله آلمهیدی.
غور حاکمینینگ سوزلاوچیسی گه کوره، اولر اوشبو موضوع نی ساغلیقنی سقلش وزیرلیگی بیلن شریک قیلگن و تیزلیکده تاجکستان مملکتیدن بیرقطار متخصص بو ولایت گه کیلهدی.
غور محلی رسمیلرینینگ ایتیشیچه، ساغلیقنی سقلش مرکزلری اوزاقده بولگنی، قتناو یوللر قیینچیلیگی و اقتصادی موضوع اساسی قیینچیلیک سنلهدی.
