.jpg)
غور ولایتی‌نینگ قطار مدنی فعاللری، مذکور ولایت حاکمی غلام‌ناصر خاضع گه ناراضیلیک بیلدیریب و وظیفه‌سیدن چیکلنتیریلیشی‌نی سوره‌گن‌لر. ناراضچی‌لر ولایت مقامی‌نینگ کیریش ایشیگی اونگیده توپله‌نیب، ولایت حاکمی‌نینگ مدیریت سیزلیک، ایش سیزلیک و اهالی آره‌سیده اتفاق‌سیزلیک تشلش‌گه عیب‌لگن‌لر.
اولرنینگ ایتیشیچه، غور حاکمی ماموریتی جریانیده ایجابی فعالیت قیلمه‌گن.
ناراضچی‌لرنینگ ایتیشیچه، تروریستی گروه‌لرنینگ غور ولایتی‌نی تورلی منطقه‌لری اینیقسه غور- هرات قتناو یولیده حضوری بار، بیراق اوشبو ولایت محلی اداره‌سی امنیت‌نی تامین‌لش و یوکسلتریش پروژه‌لرنی عمل‌گه آشیریش خصوصیده هیچ قنده‌ی برنامه‌سی یوق دیر.
.jpg)
اولر، غور حاکمی چیکلنتیریلمه‌گن حالده، ناراضیلیک‌لریگه دوام بیریشلریدن آگاه‌لنتیرگن‌لر.
بیراق غور محلی مسووللری‌نینگ ایتیشیچه، محلی اداره‌نینگ فعالیتی قطار شخص‌لرنینگ ضرریگه بولگنی باعث، اوشبو ناراضلیک یولگه قوییلگن.
غور حاکمی غلام‌ناصر خاضع، ناراضلیک‌نی اهالی‌نینگ قانونی حقی بیلیب ایتیشیچه، ناراضچی‌لرنینگ ایستک‌لریگه قانون گه اساس دقت قیلینیشی اوچون ایستک‌لرینی مسؤول اداره بیلن شریک قیلیشی کیره‌ک.
