غور ولایتی رسمی‌لری‌نینگ ایتیشیچه، ولایت چهارسده تومنی طالب‌لر قمراوی‌گه قالینگن، امنیتی کوچلر و جنگری طالب‌لر ارا توقنه شوولر دوام ایتماقده.
بو توقنه شوو تورت کون آلدین شونینگ‌دیک باشلنگن کیم، 500 دن آشه طالب گروهی شکلی‌ده اوچ تاماندن چهارسده تومنی‌گه هجوم اویوشتیرگنلر.
غور والی‌سی‌نینگ سوزلاوچی عبدالحی خطیبی‌نینگ سلام‌وطندارگه ایتیشیچه، طالب‌لرگه آغیر تلفات ایتکیزیلگن، تورت کون توقنه‌شوو جریانیده، 60دن آشه طالب هلاک بولیب و 20 دن آشه طالب یره‌لنگن.
جناب خطیبی‌گه کوره، طالب‌لرنینگ تلفاتی‌دن کوپی‌سی اوتکن کونگی افغان امنیتی کوچلر هوایی هجومی‌دن ایتکیزیلگن. کوپه‌یتیریشیچه، بیرینچی کون توقنه شووی‌ده امنیتی کوچلردن 2 ته‌سی هلاک بولگن و باشقه 5 ته‌سی تن جراحت آلگن.
غور والی‌سی‌نینگ سوزلاوچی‌سی‌گه کوره، طالب‌لر سانی حاضرگی کونلرده 500 دن آشه‌راق ایکن لیگی کوزه تیله‌دی. کندز، فاریاب، بادغیس ولایت‌لریدن توپله‌نیب گروهی شکلی‌ده چهارسده تومنی پولیس پوسته‌سی اوستی‌گه هجوم اویوشتیرگنلر.
عین حالده، غور ولایتی کینگش باشلیغی فضل‌الحق احسان‌نینگ سلام‌وطندارگه ایتیشیچه، دیمک؛ طالب‌لر تورت کون توقنه شووی‌گه آغیر تلفات کورگن، اما حاضرگه قدر مذکور تومن قمراولریده بولگن.
جناب احسان، حکومت‌نی دقت سیزلیک‌که عیب‌لب هشدار بیریشیچه، اگر چهارسده تومنی‌گه یاردمچی کوچ یوباریلمسه، بو تومن هم طالب‌لر قولیگه توشه‌دی.
غورده بیرقطار تینچ اهالی هم تومن وضعیتی توغری سیده خواطر بیلدیریب ایتیشیچه، جنگری طالب‌لر هجومی نتیجه‌ده تینچ اهالی ضرر کوریب هلاک بولگن.
غور محلی خبرچی‌لردن بیری مسعود شهاب‌نینگ تینچ اهالی تلفاتی و مذکور تومن وضعیتی توغری سیده خواطر بیلدیریب ایتیشیچه، حاضرگه قدر یاردمچی کوچلر بو تومن‌ده ییتیشمه‌گن.
بیراق غور والی‌سی‌نینگ سوزلاوچی‌سی عبدالحی خطیبی‌نینگ ایتیشیچه، بوندن آلدین یاردمچی پولیس، اردوکوچلری و هوایی حمایت‌لر چهارسده تومنی‌گه ییتیشگن، شونینگ‌دیک بوگون پولیس، کماندو و اردوکوچلری بو تومن‌ده یوباریلگن.
حاضرگه قدر طالب‌لر بو توغریده بیر نرسه دیمه‌گن.
نیچه پیت‌دن بویان اولکه ایریم منطقه سیده جنگری طالب‌لر هجومی شدت آلگن، حاضرگی کونلرده جنگری طالب‌لرگه قرشی ایریم منطقه‌ده توقنه شوولر دوام تاپیب بارماقده.
