غور ولایتی‌نینگ غربی تومن‌لرینی یشاوچیلریدن بیرقطاری، تومن‌لریده محکمه و قاره‌لاوچی یوقلیگی سبب حقوقی دوسیه‌لرینی حل ایتیش اوچون طالب‌لرنینگ محکمه‌لریگه مراجعت قیله‌دیلر.
اولرنینگ سلام‌وطندارگه ایتیشیچه، شهرک، تیوره، پسابند، ساغر، تولک و دولینه تومن‌لریده محکمه و قاره‌لاوچی بولمه‌گنی باعث حقوقی جنجل‌لری بولگن کیشی‌لر، دوسیه‌لرینی حل ایتیش اوچون طالب‌لرنینگ محکمه‌لری و یا-ده ناقانونی قوراللی گروه‌لرنینگ قومندانلریگه مراجعت قیله‌دیلر.
شهرک و تیوره تومن‌لری‌نینگ یشاوچیلریدن محمدقاسم و مجروح‌نینگ ایتیش‌لریچه، دولتی محکمه‌لرده قاره‌لاوچی یوقلیگی سبب جنجل‌لرینی حل ایتیش‌گه آیلرچه کوته‌دیلر و نهایت‌ده طالب‌لرنینگ محکمه‌لریگه مراجعت قیله‌دیلر.
اولر، مرکزی حکومت‌دن تیزلیک‌ده بو قیین‌چیلیک‌که نقطه قوییشی‌نی سوره‌گن‌لر.
شونینگ‌دیک، اوشبو ولایت‌نینگ ایریم تومن‌لریده عدلی و قضایی مسؤوللر یوقلیگی‌دن تنقید قیلگن غور ولایتی کینگشی‌نینگ اورین باسری عبدالبصیر قادری‌نینگ ایتیشیچه، بو موضوع سبب اهالی حقوقی دوسیه‌لرینی محل‌ده‌گی قوم بویوک‌لری و طالب‌لرنینگ محکمه‌لری آرقه‌لی حل ایته‌دیلر. جناب قادری‌نینگ ایتیشیچه، مذکور تومن‌لرده قاره‌لاوچی‌لر اوچون هیچ قنده‌ی خوفسیزلیک قیین‌چیلیگی یوق دیر.
اوشبو موضوع‌نی تصدیق‌لگن غور حاکمی سوزلاوچیسی عبدالحی خطیبی‌نینگ ایتیشیچه، ولایت‌نینگ غربی تومن‌لریده عدلی و قضایی مسؤوللر یوقلیگی سبب، اهالی حقوقی جنجل‌لرینی حکومت لایحه‌سیدن تشقری تورلی ییرلرده حل ایته‌دی.
غور حاکمی سوزلاوچیسی‌نینگ ایتیشیچه، مذکور ولایت‌نینگ محلی اداره‌سی، تومن‌لرگه قاره‌لاوچی یوباریش خصوصیده سعی و حرکت قیله‌دی.
شونینگ‌دیک، بوندن آلدین ترقه‌تیلگن گزارشلرگه کوره، غور ولایتی‌نینگ یشاوچیلریدن بیرقطاری،عدلی و قضایی اداره‌لرده فساد موجودلیگی سبب، دوسیه‌لرینی ناقانونی قوراللی گروه قومندانلری‌نینگ آلدیده حل ایته‌دی ایکن.
