غور محلی رسمی‌لری‌نینگ ایتیشیچه، قوراللی طالب‌لر، اوشبو ولایت‌نینگ دولینه تومنی‌ده هر بیر عایله‌دن 1500 افغانی پول ییغه‌دی و اهالی پول بیرمه‌گن صورتده، جنگری طالب‌لرنینگ زوره‌وانلیگی‌گه دوچ کیلیش‌لری ممکن.
اوشبو موضوع‌نی تصدیق‌لگن غور حاکمی سوزلاوچیسی عبدالحی خطیبی‌نینگ سلام‌وطندارگه ایتیشیچه، مذکور ولایت‌ده طالبان تامانیدن تعیین ایتیلگن والی‌نینگ اورین باسری ملا احمدشاه، بو فرمان‌نی صادر ایتگن.
غور حاکمی سوزلاوچیسی‌گه کوره، اهالی پول توللمه‌گن صورتده، طالب‌لرنینگ زوره‌وانلیگی‌گه دوچ کیله‌دیلر.
دولینه تومنی‌نینگ خوفسیزلیک قومندانلیگی وقتینچه‌لیک باشلیغی بسم‌الله صدیقی، طالبان‌نینگ والیسی‌نی اورین باسری ملااحمدشاه‌نینگ کیلگنینی تصدیق‌له‌یدی، بیراق ایتیشیچه، حاضرگچه اولر، مذکور گروه تامانیدن پول ییغیشتیریلیشی خصوصیده، گزارش قولگه کیریتمه‌گن.
قوراللی طالب‌لر هم حاضرگچه بوتوغریده هیچ نرسه دیمه‌گن‌لر.
شونینگ‌دیک، جناب صدیقی سلام‌وطندارنینگ اوتگن کونگی گزارشی‌گه اشاره قیلیب ایتیشیچه، محلی پولیس کوچلریدن 7 ته‌سی عایله اعضالری طالب‌لر تامانیدن گروگه آلینگنی سبب وظیفه‌لرینی ترک ایتیشگن‌لر.
صدیقی‌نینگ ایتیشیچه، محلی پولیس‌لر حربی جهازلری و نیچه امنیتی پوسته‌نی جنگری طالب‌لرگه تاپشیرمه‌گن صورتده، عایله اعضالریدن 13 کیشی آتیب تشله‌نیشی خصوصیده، طالب‌لر تامانیدن آگاه‌لنتیریلگن‌لر.
گروگه آلینگن کیشی‌لرنینگ تقدیریدن حاضرگچه هیچ بیر خبر یوق دیر.
