سلام‌وطندارگه صحبت بیرگن غور ولایتی نینگ پسابند تومنی یشاوچیلریدن بیرقطاری نینگ ایتیشیچه، طالبان گروهی نینگ اقتصادی تحریم‌لری دوام ایتگنی باعث، مذکور تومن بازاریده ییگولیک ماده بهاسی ایکی برابر بولگن.
اولرنینگ ادعا قیلیشیچه، طالبان گروهی ینگی‌لیک‌ده اولرنی تیزلیک‌که منطقه‌لریدن کوچمه‌گن صورتده، آچلیک‌دن اولیش‌لری توغریسیده آگاه‌لنتیرگن.
پسابند یشاوچیلری نینگ کوپه‌یتیریشیچه، طالبان گروهی ییگولیک ماده‌لر آلیب کیلینیشی گه توسیق بولگنی گه علاوه، کیچه تاماندن اولرنینگ اویلریگه کیریب قیناققه سالیش و گرو آلیش گه قول اوره‌دیلر.
اولرگه کوره، اوتگن هفته طالبان گروهی اوچ کیشی نی دولت بیلن همکارلیک قیلیش گه عیب‌لب اولدیرگن.
غور ولایتی نینگ پسابند تومنی یشاوچیلریدن حاجی نوراحمد و عبدالقیوم نینگ ایتیشیچه، پسابند تومنی گه آلیب کیلینه‌دیگن ییگولیک ماده‌لرنی یولی کیسیلگن، ییگولیک ماده بو ییرده تاپیلمه‌یدی، حاضر دکاندارلرنی حبس قیلگن و اولرنینگ نرسه‌لرینی اوز مرکزلری ده‌سنگ قیشلاغی گه انتقال بیرگن.
غور ولایتی نینگ پسابند تومنی اهالیسی، محلی و مرکزی حکومت رسمی‌لریدن تیزلیک‌که مذکور گروه گه قرشی تازه‌لش حربی عملیات یولگه قوییش‌لرینی سوره‌یدی.
شو توغریده:
- غور؛ طالب‌لر میوه‌لی درخت‌لرنی کیسه‌دی
غور؛ طالب‌لر قتیق قاعده‌لر تعیین قیلگن
غور؛ چهارسدۀ تومنی 40 کوندن بویان طالب‌لر قمراویگه قرار تاپگن
شونینگدیک، غور ولایت کینگشی اورین باسری عبدالرحمان عطشان، پسابند تومنی یشاوچیلری نینگ وضعیتی نی خواطرلی بیلیب ایتیشیچه، مذکور تومن یشاوچیلری نینگ وضعیتی گه دقت قیلینمه‌گن صورتده، انسانی فاجعه یوز بیره‌دی.
عین حالده، غور حاکمی سوزلاوچیسی عبدالحی خطیبی، پسابند تومنی یشاوچیلری نینگ قیین‌چیلیک‌لرینی تصدیقلب ایتیشیچه، حکومت حاضرهم طالبان گروهی نینگ برابریده تینچلیک طلب سیاستی دن ایش آله‌دی.
غور حاکمی سوزلاوچیسی گه کوره، طالبان گروهی اهالی نی اذیت قیلیش دن قول تارتمه‌گن صورتده، امنیتی کوچلر مذکور گروه نی نابود قیلیش اوچون حربی عملیات یولگه قویه‌دی.
غور ولایتی نینگ پسابند تومنی 150 مینگ دن آرتیق جمعیت بیلن مذکور ولایت مرکزینی 170 کیلومترلیگی ده جایلشگن و کمیده بیر ییل‌دن بویان مذکور تومن طالبان گروهی تامانیدن اقتصادی تحریم قیلینگن.
