غور ولایت کینگشی اعضاسی عبدالبصیر قادری‌نینگ ایتیشیچه، تولک تومنی‌نینگ تاش کومیر کانی قازیلیب چیقاریلیشی اوچون قوراللی طالب‌لر بیر شرکت‌گه رخصت بیرگن.
اونینگ کوپه‌یتیریشیچه، بو موضوع نی نیچه مرته غور محلی مسؤوللری بیلن شریک قیلگن؛ بیراق بو توغریده حاضرگچه دقت قیلینمه‌گن.
اونگه کوره، بیر ییل جریانیده طالب‌لر بو کاندن کوپ پول قولگه کیریتگن.
شونینگدیک، غور مدنی فعاللریدن بیرقطاری، بو توغریده خواطر بیلدیریب، محلی مسؤوللردن مذکور کان ناقانونی شکلده قازیب چیقاریلیشی گه توسیق بولیش‌لرینی سوره‌گن.
عین حالده، غور حاکمی سوزلاوچیسی عبدالحی خطیبی‌نینگ ایتیشیچه، تولک تومنی‌نینگ تاش کومیر کانی طالب‌لرنینگ نظارتی‌ده بولگن منطقه دیر و یالغیز محل یشاوچیلری اوندن فایده‌لنه‌دی.
خطیبی‌نینگ ایتیشیچه، اوتگن ییل هاشمی گروپ آتلی بیر شرکت بو کانده فعالیت قیلردی؛ بیراق کان منفعت‌لی بولمه‌گنی باعث، شرطنامه‌نی بوشتگن.
غور مدنی فعاللری و ولایتی کینگش اعضالری گه کوره، تولک تومنی‌نینگ تاش کومیر کانی یخشی بیر شکلده مدیریت قیلینگن صورتده، مذکور ولایت یشاوچیلری‌نینگ یاقیلغی ماده توغریسیده بولگن برچه نیازلری برطرف ایتیله‌دی.
