اجتماعی ترماقلر اینیقسه فیسبوک صحیفه‌لریگه باش اورسنگ بیله‌سنگ کیم، اهالی سیاست و سیاست اویین‌لری‌نی یخشی سیزگن و تورلی حرکت‌لر بیلن سیاستچی‌لر توغری‌سیده بولگن توشینچه‌لرینی بیان ایته‌دیلر. اجتماعی ترماقلرده کارتون و طنزدن فایده‌لنه‌دی.
نیچه کوندن بویان جمهور رییس غنی و اجراییه باشلیغی عبدالله عبدالله‌نینگ اورته‌سیده جنجل چیققن. فیسبوک ایشلاوچی‌لری، هر دقیقه اوشبو جنجل‌لردن خبر تاپیب و حکومت رهبرلری‌نینگ توغری‌سیده طنز یازیب، صورت‌لرینی فتوشاپ قیلیب، اجتماعی ترماقلرده ترقه‌تدی.
مثلا، اجتماعی ترماق ایشلاوچی‌لریدن کوپینچه‌سی بونده‌ی یازگن‌لر، «ملی بیرلیک حکومت رهبرلری‌نینگ تکرار قونغیراق‌لری باعث، امیریکه تشقی ایشلر وزیری جان کری، ایکی کوندن بویان تلیفونی‌نی اوچیریب قویگن»؛ یا- ده جمهور رییس، جان کری بیلن تلیفون علاقه قوریب بونده‌ی دیگن: «گل مرجان ینه اچیق لنیب‌دی، مینی یمانله‌یدی، تیز اوزینگ‌نی ییتیشتیرگن» یا « جان کری‌نی چقیرینگیزلر ایشیک‌نی آچیمه‌یدی».
فیسبوک ایشلاوچی‌لری، بولردن کوره اچیق و اوتکیر نرسه‌لرنی هم یازه‌دیلر؛ بو یازوولر، حکومت باشلیغ‌لری‌نینگ اورته‌سیده‌گی قرمه‌قرشی‌لیک‌لر دوامی خصوصیده، اولرنینگ اچیغی و نفرت‌لرینی کورسته‌دی.
قویاش 1393- ییل جمهورلیک ریاستی سیلاوی ایکینی دوری اوتیب و بو سیلاو نتیجه‌سیز قالگنی‌دن کیین، امیریکه تشقی ایشلر وزیری جان کری، افغانستان کیلیب ملی بیرلیک حکومتی‌نی ایجاد قیلدی. حاضر ملی بیرلیک حکومت باشلیغ‌لری‌نینگ اورته‌سیده‌گی علاقه یمانلشگنی باعث، مملکت یشاوچی‌لری، تشقریدن باشقه بیران کیشی کیلیب بو قیین‌چیلیک‌لرگه نقطه قوییشی‌نی طلب قیلماقده.
بیراق، سوراق توغیله‌دی، افغانستان‌دیک بیر جماعه‌ده اوشبو طنزلی یازوولر قنچه‌لیک تأثیر قویه‌دی و بو یازوولرنی اورنی بارمی یا-ده یوق؟
بیلیم یورت استادی و جماعه شناس ذبیح‌الله اسدی‌نینگ سلام‌وطندارگه ایتیشیچه، طنزدن مقصد بی واسطه بیر موضوع گه اشاره قیلیش دیر و بیر شخصیت‌گه توغری صورتده اشاره قیلینگن‌ده، افغانستان جماعه‌سیده کیم سیتیش و اهانت حسابلنه‌دی. جناب اسدی‌نینگ کوپه‌یتیریشیچه، جماعه‌ده سوز ایرکین‌لیگی حقیقی ایمس و اهالی بیر مسئله‌دن ایجابی شکلده فایده‌لنیش اورنی‌ده، سلبی تامانی‌گه دقت قیله‌دی.
روان‌شناس شرف‌الدین عظیمی‌نینگ ایتیشیچه، روان‌شناسلیک نقطۀ نظریدن، صورت‌لر، کارتون‌لر و فکاهی‌لر عادی یازوولر و متن‌لرگه نسبَتَن قیزیق بوله‌دی؛ چونکه کورگن کیشی‌نینگ باشی‌ده قاله‌دی. بیراق اونینگ اورغولشیچه، افغانستان جماعه‌سیده طنزنی سلبی توشینه‌دیلر.
ملی بیرلیک حکومتی‌نینگ ایشی باشلنگنی‌دن کیین، اجتماعی ترماقلرده کارتون و طنزدن فایده‌لنیش ییترلی شکلده رواجلندی و هر بیر مرته حکومت باشلیغ‌لری‌نینگ اورته‌لریده قره‌مه قرشی‌لیک یوز بیرگن صورتده، اجتماعی ترماقلر کارتون، طنز و فکاهی‌دن توله‌دی.
