اوتگن کون «شنبه» شام چاغی جمهور رئیس غنی نیچه وقت آلدین غزنی ولایتیده طالبان گروهی‌نینگ قماقخانه‌لریدن 38 کیشی‌نی قوییب یوبارگن خاص امنیتی کوچلرنینگ مسؤوللری بیلن اوچره‌شیب و اولرنی تقدیرلگن.
حربی مسووللرگه خطاب اونینگ ایتیشیچه، تینچلیک تامین ایتیلگن‌گه‌قدر دهشت تشلاوچی‌لرگه قرشی کوره‌شیش‌گه مسوول سیزلر.
جمهور رییس‌نینگ کوپه‌یتیریشیچه، شاه‌شجاع و یعقوب‌خان کبی هر شرطنامه‌گه قول قویمه‌یدی و امنیتی کوچلرنینگ اورنی بیللی ایتیلمه‌گن تینچلیک قبول قیلینمه‌یدی.
جمهور رییس گه کوره، امنیتی کوچلر حاضرده یوقاری حاکمیت‌گه ایگه دیر و تینچلیک لایحه‌سیده اوشبو کوچلرنینگ اورنی تضمین ایتیلسین.
اوشبو ییغینده جمهور رییس‌نینگ ایتیشیچه، امنیتی کوچلر اینقسه کماندولر مملکت‌نینگ صادق فرزندلری دیر، اولر امتیاز و حقوق اوچون ایمس، بلکیم مملکت، نظام و ملی منفعت اوچون کوره‌شه‌دیلر.
غنی نینگ کوپه‌یتیریشیچه، باشقه‌لرنی زوردن تینچلیک سوزلشوولریده کیلتیرگن‌لرنینگ امنیتی کوچلرنی ترقاقلشتیریش خصوصیده صحبت قیلمه‌یشی کیره‌ک و شهامت‌لری بولگن حالده کوره‌ش میدانی‌گه اوزلرینی کورسه‌تیش‌لری کیره‌ک.
