بوگون "جمعه" مملکت جمهور باشلیغی محمد اشرف غنی، غزنی ولایتینینگ امنیتی وضعیتینی تیکشیریش اوچون اوشبو ولایت گه سفر قیلگن.
جمهورلیک ریاستی تامانیدن ترقهلگن خبرنامه گه کوره، جناب غنی اوشبو سفرده غزنی واقعه سیده هلاک بولگن‌لر روحلریگه دعا یوللب و مذکور ولایت مسووللری و اهالیسی بیلن اوچرهشیب صحبت قیله‌دی.
طالبان گروهی بیر هفته آلدین غزنی مرکزی اوستیگه هجوم قیلیب شهر تورلی منطقهلرینی تصرف قیلیب، 60 تینجاهالی و 145 حربی هلاک بولیب و اونلرچه کیشیلر یرهلنگن بیر چاغده جمهور باشلیغی غنی اوشبو ولایت گه سفر قیله‌دی.
جناب غنینینگ اوشبو ولایت گه سفر قیلیشی یشاوچیلردن بیرقطارینینگ قرشیلیگی بیلن دوچ کیلگن. ناراضچیلرنینگ ایتیشیچه، غزنی شهری سقوط قیلمهسدن آلدین طالبلرنینگ هجومی خصوصیده قطار هشدارلر بار ایدی، بیراق اوشبو ولایت مسووللرینینگ دقتسیزلیگی باعث غزنی سقوط قیلدی.
غزنی ولایتینینگ 19 تومنی بولیب و اوشبو جملهدن 5 تومننینگ امنیتی وضعیتی یخشی بولیب باشقه 4 تومن نسبی شکلده تینج بولیب و شونینگدیک باشقه تومنلر طالبان گروهی نینگ کینگ فعالیتی بار.
اخیرگی ییللرده بو تورتینچی مرته که افغانستان قطار شهرلری طالبان گروهینینگ نظارتی گه اوتهدی.
