افغانستان جمهور رییسی محمداشرف غنی بوگون (15 – مارچ) توشدن سونگ کابل‌ده ناتونینگ باش کاتبی بیلن خبر انجمن‌ده چیقیش قیلدی. غنی‌گه کوره، افغانستان مساله‌سی ناتو برنامه‌سی نینگ عمل‌گه اشیره‌جک دستلبکی برنامه‌لری اوچون بیرینچی لایحه بولگن.
شونینگ‌دیک جمهور رییس غنی‌گه کوره، ناتونینگ افغانستان حکومتی‌گه بولگن همکارلیک‌لری کوچله‌نیب همده کینگیگن. عین حالده، ناتو چهار چوبه‌سیده‌گی بوتون مملکت‌لر افغانستان حکومتی‌گه یاردم بیره‌دی.
انجمن‌ده سوزله‌گن افغانستان جمهور رییسی ناتو بار – بار آگاهلنتیریلگن لیگی‌گه قره‌می، هنوز هم افغانستان حکومتی‌گه کینگ مقیاس‌ده همکارلیک قیلیش اوچون تیار ایکن لیگی‌دن منتدارلیک اظهار قیلگن. بو ایسه افغانستان کیله‌جک سیلاولری اوچون ییریک ایشانچ بیره‌دی.
شونینگ‌دیک خبری ییغین‌ده نطق سوزله‌گن ناتونینگ باش کاتبی ینس استولتنبرگ گه کوره، ناتو تشکیلاتی‌نینگ افغانستان برابریده بولگن برنامه‌سی کوچلی و دایمی دیر. ینس استولتنبرگ، افغان هوا کوچلری جهازله‌نیشی اوچون بو مملکت رسمیلری نینگ هیچ قنده‌ی خواطری بولمس‌لیگی‌نی معلوم قیلگن.
استولتنبرگ، ناتو رهبرلیگی‌ده‌گی امریکه قوشین‌لری‌نینگ افغانستان‌ده‌گی حضوری ترورچی‌لرنی نابود قیلیش نیتی‌گه اساسلنگن دیگن. شونینگ‌دیک امریکه و ناتو افغان حربی‌لری تورلی ساحه‌لرده کوچله‌نیشی اوچون اوز یاردم و کومک لریگه دوام بیره‌دی دیگن.
ییغین‌ده ناتو باش کاتبی، افغانستان سیلاولریگه لازم درجه‌ده اصلاحات کیرتیلیشی لازم دیگن.
ناتونینگ باش کاتبی بوگون آلدین‌دن اعلان ایتیلمه‌گن بیر سفر بیلن کابل‌گه کیلدی. اونینگ مملکت رهبرلری بیلن ملاقات قلیشی هم ریجه لنتیریلگن.
