مملکت جمهور رئیسی محمداشرف غنی نینگ ایتیشیچه، حاضرگه‌قدر فارسی دری تیلی نینگ تأریخی بیلگی‌لنمه‌گن. اونینگ ایتیشیچه، افغانستان یشاوچیلری نینگ تیلی دری بولگن و بونگه هیچ بیر شبهه یوق دیر.
بوگون «پنجشنبه»، «افغانستان، فارسی دری تیلی نینگ بیشیگی» نامی‌ده یولگه قوییلگن ملی توشونیش آچیلیش مراسمی‌ده جمهور رئیس غنی نینگ ایتیشیچه، افغانستانده ایران گه نسبتن فارسی دری تیلی نینگ تأریخی اوستیگه اونچه‌لیک ایش قیلینمه‌گن.
جناب غنی گه کوره، فارسی تیلی یشاوچیلرنی بیر-بیراویگه باغلش یانیده، بیر مدنیت‌لی حوزه تیلی دیر.
جمهور رئیس نینگ ایتیشیچه، افغانستان فارسی دری تیلی‌ده اساسی رول اوینه‌گن و مملکت نینگ ینگی نسلی بو تیل نینگ چقور ایلدیزلرینی سیزیش‌لری کیره‌ک و افغانستان تأریخی کیم‌لیگی و تیل‌لر اوستیگه باستان‌شناسلیک تدقیقات‌لر اوتکزیلیشی خصوصیده تأکید قیلگن.
اوشبو ییغینده مملکت یازووچی‌لریدن عبدالغفور آرزونینگ ایتیشیچه، مدنیت تیلی نینگ ظرفیتی‌نی آشیریش اوچون فارسی تیل سقله‌نیشی خصوصیده، عایله‌وی تیل‌لردن فایده‌لنیش کیره‌ک.
مذکور ییغین اشتراکچی‌لری مولاناجلاالدین محمد بلخی نینگ آتی گه مدال ضرب ایتیلیشی‌نی تکلیف قیلیشگن و جمهور رئیس تامانیدن قبول قیلینگن.
