.jpg)
غزنی ولایتیده توی تالاری ایگه‌لری‌نینگ ایتیشیچه، قورال‌لی طالب‌لر قوم بویوک‌لری آرقه‌لی اولردن توی مراسمی‌ده موسیقه چلیش، فیلم آلیش و صورت آلیش باشقریلیشی‌نی سوره‌گن. طالب‌لرنینگ آگاه‌لنتیریشیچه، اوشبو بویروغ‌دن باش تارتگن کیشی‌لر جزا حکمی‌گه روپه‌ره بوله‌دی.
غزنی‌ده‌گی توی تالارلریدن بیری‌نی ایگه‌سی کریم پاییزنینگ سلام‌وطندارگه ایتیشیچه، تالاریده اوتکزیله‌دیگن توی مراسمی‌ده موسیقه چلینمه‌سی اوچون سعی و حرکت قیله‌دی؛ بیراق اونینگ ایتیشیچه، بو ایش مشتری‌لری‌نینگ اوستیگه سلبی تأثیر تشله‌شی ممکن.
غزنی یشاوچی‌لریدن بیری صبرالله‌نینگ ایتیشیچه، بیرینچی مرته سیس‌سیز و موسیقه‌سیز توی مراسمی‌گه اشتراک ایتگن. صبرالله‌نینگ ایتیشیچه، توی تالاریده‌گی کیشی‌لر نیمه ایش قیلیش‌لرینی بیلمس ایکن؛ دیمک، توی مراسمی ایرکک‌لر بولیمی‌ده ییگولیک آذیق و اوقت صرف‌لش و عیال‌لر بولیمی‌ده دینی حکایت‌لر ارا یکونلنگن.
شهرده‌گی تالارلردن بیریده توی مراسمی‌نی اوتکزیش‌گه قصد قیلگن محمد نذیرنینگ ایتیشیچه، دیمک طالب‌لرنینگ بو بویروغی آرتیقچه خرجت باشقریلیشی‌گه سبب بوله‌دی؛ بیراق تأسف بیلدیره‌دی کیم، حیاتی‌نی اینگ مهم مراسمی موسیقه‌سیز یولگه قوییله‌دی.
محمد نذیرنینگ ایشانچی‌گه کوره، توی مراسمی بیلن فاتحه مراسمی اورته‌سیگه فرق بولیشی لازم.
بیراق، غزنی ولایت کینگشی اعضاسی حسن‌رضا یوسفی‌نینگ ایتیشیچه، قورال‌لی طالب‌لر توی تالاری ایگه‌لری‌نینگ اوستیگه فشار کیلتیریب، اولردن باج آله‌دی و اونینگ ایشانچی‌گه کوره، بو قیین‌چیلیک پول توللنسه حل بوله‌دی. جناب یوسفی‌نینگ کوپه‌یتیریشیچه، تالار ایگه‌لری بوندن آلدین، طالب‌لرگه باج بیرر ایکن و حاضر بو ایش‌دن باش تارتگنی باعث، طالب‌لرنینگ تهدیدی‌گه روپه‌ره بولگن‌لر.
بوتوغریده غزنی محلی رسمی‌لری‌نینگ فکری‌نی اورگه‌نیش اوچون سعی و حرکت قیلدیک؛ بیراق تکراری سعی و حرکت قیلیب، رسمی‌لر بیلن سوزلشه آلمه‌دیک.
