بوگون "چهارشنبه" غزنی ولایتی‌ده سیلاونینگ حوزه‌یی ایتیلیشی نماینده لرکینگشی‌نینگ ایکی جناح گه تقسیم قیلیب و مجلس بحث‌ی تارتیشولر تامان کیتگن.
نماینده لرکینگشی اعضالریدن بیرقطاری‌نینگ اوشبو ولایت‌ده سیلاولرنی حوزه‌یی ایتیلیشی نی قانونگه قرشی بیلیب ایتیشیچه، غزنی یشاوچی‌لریگه قرشی حکومت و سیلاولر ایرکین کمیسیون‌نینگ حرکتی ظالمانه دیر.
نماینده لرکینگشی اعضاسی عبدالطیف پدرام‌نینگ ایتیشیچه، حکومت و سیلاولر ایرکین کمیسیونی قومی برتر طلب‌لیکلر سبب سیلاولر قانونی نی نظرگه آلمه‌گن.
او سیلاولر ایرکین کمیسیونی‌نینگ اوشبو حرکتی نی قومی فاشیزم، قومی ظلم و انصاف سیزلیک عنوان قیلگن.
عین‌حالده نماینده لرکینگشی‌نینگ باشقه بیرقطار اعضالری، غزنی سیلاوی حوزه‌یی ایتیلیشی دن حمایت قیلگنلر. اولرنینگ ایتیشیچه، اوشبو قرار قانونگه قرشی ایمس و مملکت بوتون منطقه‌لریده سیلاولرنی یولگه قویش حکومت‌نینگ مسوولیتی دن دیر.
نماینده لرکنیگشی اعضاسی کمال ناصر اصولی‌نینگ ایتیشیچه، افغانستان بوتون یشاوچ‌لری‌نینگ سیلاولرده اشتراک قیلیش اوچون حقی بار شونینگ‌دیک غزنی تومنلری یشاوچی‌لرینی هم سیلاولرده اشتراک قیلیش اوچون حقی بار.
اصولی و باشقه قطار وکیل‌لرنینگ صحبت لری لفظی و فزیکی تارتشولر گه سبب بولدی و انه‌شو سبب نماینده لرکینگشی باشلیغی عبدالرووف ابراهیمی، مجلس عمومی ییغینی نی هیچ قندی نتیجه قولگه کیلتیرمسدن رخصت قیلدی.
سیلاولر ایرکین کمیسیونی جاری هفته "دوشنبه" کونی غزنی ولایتی نی 3 حوزه گی تقسیم قیلیب اوشبو موضوع غزنی ولایتی‌نینگ نماینده لرکینگشی ده‌گی وکیل‌لرینی قرشی‌لیگی بیلن دوچ کیلدی.
