غزنی محلی رسمی‌لری‌نینگ ایتیشیچه، اوتگن کون کیچ قورون طالب‌لر 12 کیشی‌نی آتیب اولدیرگن.
غزنی حاکمی سوزلاوچیسی جاوید سالنگی‌نینگ سلام‌وطندارگه ایتیشیچه، طالب‌لر مذکور کیشی‌لرنی انچه وقت آلدین اوغیرلگن ایکن و اوتگن کون کیچ قورون اولرنی، مذکور ولایت‌نینگ اندر تومنی کمال‌خیل قیشلاغی‌ده آتیب اولدیرگن.
شونینگ‌دیک، اندر تومنی ولسوالی محمدقاسم دیسی‌وال‌نینگ ایتیشیچه، طالب‌لر اوشبو کیشی‌لرنی اوتگن ایکی و اوچ کیچه جریانیده غزنی- قندهار و غزنی- پکتیکا قتناو یول‌لریدن اوغیرلگن.
جناب دیسی‌وال‌گه کوره، مذکور کیشی‌لرنینگ کیم‌لیگی حاضرگچه معلوم ایمس، بیراق اوشبو کیشی‌لرنینگ بیرقطاری، نیچه وقت آلدین، غزنی- قندهار قتناو یولی‌ده طالب‌لرنینگ قولی‌گه توشگن حربی‌لر بولیشی ممکن.
عین حالده، مملکت شرقی‌ده حربی کوچلر اوچینچی لوا سوزلاوچیسی حنیف رضایی‌نینگ ایتیشیچه، اوشبو واقعه قربانلری تینچ اهالی دیر، بیراق ولایتی کینگش‌ده اندر تومنی نماینده‌سی عبدالجامع جامع‌نینگ ایتیشیچه، آتیب اولدیریلگن کیشی‌لرگه پولیس و حربی کوچلر هم شامل بولگن.
شونینگ‌دیک، اندر یشاوچی‌لری‌نینگ ایتیشیچه، واقعه‌ده 9 قربان بولگن و بو جمله‌دن 7 کیشی حربی دیر.
قورال‌لی طالب‌لر حاضرگچه بوتوغریده هیچ نرسه دیمه‌گن.
