.jpg)
غزنی ولایتی نینگ تینچ منطقه‌لریده نادر قوشلر و دشتی غزاله‌لر قیتگنی باعث، ساووق موسوم‌ده ینه بیر بار آوچی‌لرنینگ بازاری قیزیگن و بو ایش غزنی یشاوچی‌لریدن بیرقطاری‌نینگ درامدلی ایشی‌گه اوزگرگن.
غزنی ولایتی‌نینگ یشش محیط اداره مسؤول‌لری‌نینگ ایتیشیچه، شو حاضر ولایت‌نینگ نیچه تومنی‌نی اهالیسی نادر قوشلر و دشتی حیوانلرنی آوله‌یدیلر. اولرنینگ ایتیشیچه، اوشبو ولایت‌نینگ امنیتی کوچلری، نه فقط قوشلر و حیوانلر آوله‌نیشی‌گه توسیق بولمه‌یدی، بلکیم اوزلری حیوانلرنی آوله‌یدیلر.
سلام‌وطندار بیلن صحبت اوتکزگن غزنی ولایتی‌نینگ یشش محیط اداره‌سی مسؤول‌لریدن بیری شبیراحمد احمدیارنینگ ایتیشیچه، اوشبو ولایت‌نینگ ناور، جغتوه، قره‌باغ تومن‌لری و باشقه ایریم منطقه‌لری‌نینگ اهالیسی، رحم‌سیزلیک بیلن نادر قوشلر و کییک‌لرنی آوله‌یدیلر. اونینگ آگاه‌لنتیریشیچه، نادر قوشلر و دشتی حیوانلر آوله‌نیشی آلدی آلینمه‌گن صورتده، ینه بیر بار اوشبو حیوانلر و قوشلرنینگ نسلی نابود ایتیله‌دی.
جناب احمدیارگه کوره، پولیس و باشقه مسؤول اداره‌لر، حاضرگچه آوچی‌لرنینگ آلدینی آلیش خصوصیده، اولرگه یاردم بیرمه‌گن.
.jpg)
شونینگ‌دیک، غزنی ولایتی کینگشی‌ده جغتوه اهالیسی‌نینگ نماینده‌سی حمیدالله نوروزنینگ ایتیشیچه، سونگی تورت ییل‌ده غزنی قیشلاقلری‌نینگ اهالیسی آره‌سیده آولش فرهنگ‌گه اوزگرگن. اونینگ ایتیشیچه، دولتی و زوره‌وانلیک کیشی‌لر سیاحت و تینچ اهالی درامد اوچون نادر قوشلر و حیوانلرنی آوله‌یدیلر.
غزنی ولایتی‌نینگ دهیک، قره‌باغ، جغتوه و ناور تومن‌لریده قوشلر و حیوانلر آوله‌نیشی خصوصیده، ولایت اهالیسی‌نینگ ایتیشیچه، اهالی‌نینگ کوپینچه‌سی، کیلیک، کییک و باشقه قوشلرنی آولب و بو ایش‌دن درامده قولگه کیریته‌دیلر.
بیراق، غزنی ولایتی‌نینگ پولیس قومندانی جنرال امین‌الله امرخیل‌نینگ سلام‌وطندارگه ایتیشیچه، قوشلر و حیوانلر آوله‌نیشی توغریسیده خبر سیز ایکن و بوندن کیین، آوچی‌لرنینگ آلدینی آلیش اوچون جدی شکلده سعی و حرکت قیله‌دی.
عین حالده، غزنی ولایتی‌نینگ یشش محیط اداره‌سی و مدنی فعال‌لری‌نینگ آگاه‌لنتیریشیچه، اوشبو ولایت‌ده قوشلر و حیوانلر آوله‌نیشی آلدی آلینمه‌گن صورتده، نادر حیوانلرنینگ نسلی نابود ایتیلیب و یشش محیط قیین‌چیلیک‌که دوچار بوله‌دی.
