غزنی دولتی اداره‌لریده عیال ایشلاوچی‌لردن بیرقطاری‌نینگ ایتیشیچه، اوشبو ولایت عیاللریدن بیرقطاری، کوپینچه قیین‌چیلیک بیلن وظیفه آلگن‌لر، بیراق باله‌لری اوچون باله‌لر باغچه‌سی یوقلیگی باعث، وظیفه‌نی ترک قیلیش‌گه مجبور بولگن‌لر.
غزنی دولتی اداره‌لریدن بیری نینگ ایشلاوچیسی مسعوده، باله‌لر باغچه‌سی یوقلیگی باعث، کوپینچه کونلر باله‌سینی اداره گه آلیب کیلیب و شونینگدیک، ایش جریانیده اوندن مراقبت قیلیش‌گه مجبور بوله‌دی.
اونینگ ایتیشیچه، باله‌لر باغچه‌سی یوقلیگی باعث، قیین وضعیت گه دوچ کیلگن و ایش جریانیده باله‌سیدن مراقبت قیلیش باعث، یخشی بیر شکلده ایشی‌نی عمل گه آشیره آلمه‌یدی.
غزنی دولتی اداره‌لری‌نینگ ایشلاوچی‌لریدن باشقه بیری فرزانه نینگ ایتیشیچه، همکارلریدن بیری آنه بولگنیدن سونگ، اویی‌ده باله‌سیدن مراقبت قیله‌دن کیم‌سه‌سی بولمه‌گنی سبب وظیفه‌سینی ترک قیلیش گه مجبور بولگن.
فرزانه گه کوره، عیاللردن کوپینچه‌سی باله‌لر باغچه‌سی بولمه‌گنی سبب، ایش محلی‌ده کوپینچه قیین‌چیلیک‌که دوچ کیله‌دیلر و دولتی مسؤوللردن بو قیین‌چیلیک حل ایتیلیشی اوچون چاره تدبیر کوریش‌لرینی سوره‌یدی.
عین حالده، سلام‌وطندارگه صحبت بیرگن غزنی ولایتیده عیاللر ریاستی باشلیغی شکریه ولی نینگ ایتیشیچه، دولتی اداره‌لر و قیزلرگه خاص مکتب‌لرده باله‌لر باغچه‌سی یوقلیگی عیال ایشلاوچی‌لر و اوقیتووچی‌لرنی جدی قیین‌چیلیک‌که روپه‌ره قیلگن.
اونینگ کوپه‌یتیریشیچه، بو قیین‌چیلیک‌نی نیچه مرته ایش و اجتماعی ایشلر ریاستی‌نینگ مسؤوللری بیلن شریک قیلگن‌لر و اولردن مذکور ولایتده نیچه باله‌لر باغچه‌سی ایجاد قیلیش‌لرینی سوره‌گن.
شونده‌ی بیرحالده، غزنی ولایتی بوییچه ایش و اجتماعی ایشلر ریاستی‌نی باشلیغی عبدالباری رحیمی نینگ ایتیشیچه، حاضرده مذکور ولایت نینگ جهان‌ملکه و حیدرآباد مکتب‌لریده ایکی باله‌لر باغچه‌سی موجود و شونینگدیک، باشقه نیچه باله‌لر باغچه‌سی ایجاد ایتیله‌دی.
افغانستان ایش قانونی تامانیدن اداره‌لرگه بیریلگن مسؤولیت اساسیده، عیال ایشلاوچی‌لرنینگ باله‌لریدن مراقبت قیلیش اوچون اداره ساحه‌سیده سوت بیرووچی و باله‌لر باغچه‌سی ایجاد قیلیش‌لری کیره‌ک و سوت ییمه‌دیگن باله‌سی بار آنه‌لر اوچون آوقت ییماق آره‌لیگی گه علاوه هر اوچ ساعت‌دن سونگ، باله‌لریگه سوت بیریش‌لری اوچون 30 دقیقه آرتیقچه وقت بیریلیشی لازم.
