.jpg)
اسلام دینی‌نینگ شیخ و عالم‌لریدن 70 مینگ کیشی طالب‌لر، داعش، القاعده و باشقه ترورچی گروه‌لرگه قرشی فتوا بیریش‌لری بیلن بولرنینگ قیلمیش‌لرینی قاره‌له‌دیلر.
هند کلکته‌سیده ییغیلگن بو قطار مذهبی عالم‌لر عرس حضرت‌گه تانیلگن «امام احمدرضاخان قادری» نینگ 97 لمچی وفات ییلینی کوتیب آلیش مراسمی‌ده ییغیلگن ایدیلر ایتیشلریچه، پاریس حادثه‌سیدن کیین سیسلرینی چیقاریش قصدیده ایکنلر و بو ییتیب کیلگن فرصتدن فایده‌لنیب اسلام دینی نینگ یمان دیب تانیته‌دیگن گروه‌لر عملی‌گه قرشی فتوا بیردیلر.
.jpg)
پاریس شهریده 22- عقربده اویوشتیریلگن قطار هجوم‌لر، آلتی تارتیش و ایکی خودکش هجوم اوتکزیلگن ایدی. هجوم نتیجه‌سیده 129 کیشی هلاک و 200 گه یقین کیشی تن جراحتی آلگن ایدی. دنیا بویلب بو حادثه خواطرلر توغدیردی و اروپا و غرب اولکه‌لری تامان باریش کیلیش قیین‌چیلیکلری بیلن روپه‌ره بولدی.
مراسم‌ده قتنش‌گنلردن مفتی محمدسلیم نوری دنیا بیر یریم میلیون مسلمانلریدن اوز حمایتینی بیلدیریب، ترورچی گروه‌لر عمل‌لرینی قاره‌لش باره‌سیده تیارلنگن فتوا فورم‌لریگه بیرینچی‌لب قول قویه باشله‌گن ایکنلر.
بو عالم‌لرنینگ ایتیشلریچه، عصیانچی گرولر هیچ بیر زمان اسلام کوزیدن کوریلمه‌سین و شونینگ‌دیک برچه رسانه‌لردن عصیانچی گروه‌لرگه اسلامی گروه‌لر و اسلامی عصیانچی‌لردیگن سوزلرنی استفاده قیلمس‌لیکلرینی ایسته‌گنلر.
