افغانستان‌ده شفافیتنی کوزه‌توچی اداره نینگ مسووللری، ییریک فسادنی تیکشیریش‌گه قرشی کوره‌ش عدلی و قاضی مرکزنینگ ایشیگه سیاسی اره‌له شیله‌دی دیگنلر. اوشبو مرکزنینگ ایشلریگه بوله دیگن سیاسی اره‌له‌شیش نینگ سلبی تاثیری اوته سیزیلرلی دیگن مسوولر.
افغانستان‌ده شفافیتنی کوزه‌توچی اداره‌نینگ باشلیغی سیداکرم افضلی بوگون (سه‌شنبه) «وعده دن عملگه» اوتیش نامی آستیده اوتکزیلگن ییغینده نطق سوزلب، فسادگه قرشی کوره‌ش عدلی و قضایی مرکز توغریدن – توغری طرف‌سیز بیر کمیسیون تامانیدن نظارت بولیشی ضرور دیگن. سیاسی اره‌له‌شوولر باعث اوشبو مرکز دوسیه‌لرنی تنلش‌ده هم مستقل روشده عمل قیله آلمیدی دیگن جناب افضلی.
لیکن، سلام‌وطندارگه صحبت بیرگن باشقره‌لاوچلیگی نینگ سوزلاووچیسی جمشید رسولی بو قبیل سوزلرنی رد قیلیب، عدلی و قضایی مرکز هیچ بیر اداره نینگ تاثیری آستیگه کیتمسدن اوز صلاحیتی و مسوولیتی بوییچه ایشلرینی مستقل حالتده بجر ماقده دیگن.
دولت باشقره‌لاوچلیگی نینگ سوزلاووچیسی، اوشبو مرکزنینگ ایشیگه اره‌له‌شیش اوچون هیچ کیمگه فرصت بیریلمسلیگی حقیده علیحده تاکید ایتگن.
عدلی و قضایی مرکز بوندن تورت آی آلدین افغانستان جمهور رییسی محمد اشرف‌غنی حکمی اساسیده فریدحکمی باشلچیلیگیده فعالیت‌گه باشله‌گن ایدی. بو مرکز حکومت ملازملریگه تیگیلشی فسادگه عاید ییریک دوسیه‌لرنی تیکشیره‌دی.
هنوزگچه اوشبو مرکز قندهار ولایتیده‌گی عزیز بانک نینگ بلند مرتبه‌لی بیر اعضاسینی فسادگه عیبلب اوستیدن محکمه اوتکزیشگه موفق بولگن.
