حکومت نینگ اجراییه ریاستی باشلیغی عبدالله‌عبدالله، بیر مورد بولگن‌ده هم عیال پولیس ملازملریگه قرشی صادر بوله دیگن زوروانلیک اهالی نینگ مملکت کیله‌جگی اوچون امیدسیز قیله‌دی دیگن.
بوگون (چهارشنبه) «افغانستان‌ده اداری فساد و خاتین – قیزرلرگه قرشی زوروانلیک‌نی ایلدیزدن» یوق قیلیش نامیده اوتکزیلگن اوچینچی ییغین‌ده اشتراک قیلیب سوزله‌گن جناب عبدالله، اهالی حیاتی نینگ برچه بولیملری حتی امنیتی کوچلر ایچیده هم عیاللرگه قرشی زورانلیک حاللری آشگن لیگی توغریسیده خواطر بیلدیرگن.
اجراییه ریاستی باشلیغی، عیال پولیسی مملکت یشاووچیلر اینیقسه خاتین – قیزلر حقوقی‌نی مدافعه ایتیووچی کیشیلر دیر و بو قتلم هیچ قنده‌ی زوروانلیک‌نی تَن آلمیس لیگی کیره‌ک اوستیده تاکید ایتگن.
عین حالده، مملکت دولت باشقرهلاووچیسی محمد فرید حمیدی، عیاللرگه قرشی زوروانلیک نینگ حقی بیرینچی مرته عایله‌لرده سونگ ایسه افغانستان حکومتی نینگ اداره‌لریده آیاق آستی ایتیلیشینی تیلگه آلگن.
شونینگدیک جناب حمیدی عیاللرگه قرشی زوروانلیک آلدینی آلیش اوچون کوره‌شیش خانه‌دانلرنی انقراض‌گه اوچره‌تیش ایمس، بلکه حق و حقوق سقله‌نیش آرقه‌لی هر بیر خانه‌دان اعضاسی نینگ بیرمه – بیر عزت و اورنی مستحکم بوله‌دی دیگن.
مملکت دولت باشقرهلاووچیسی، زوروانلیک‌که قرشی کوره‌ش و باله‌لر حقینی حمایه قیلووچی هماهنگلیک اداره‌سی ایشگه باشله‌شی بیلن بوندن کیین زوروانلیک‌که قره‌شلی دوسیه‌لر جدی شکلده نظارت بولیشینی ایتگن.
