.jpg)
عطامحمد نورگه یقین بیر منبع نینگ سلام‌وطندارگه ایتیشیچه، عطامحمد نور و حنیف اتمرنینگ آره‌سیده بولگن قره‌مه قرشی‌لیک‌لر حل بولمه‌گن. بیراق صلاح‌الدین ربانی نینگ رهبرلیگی ده بولگن بیر گروه عبدالله عبدالله نینگ آیاغی نی عطامحمد نورنینگ اویی‌گه تارتیب و بو فرصت‌دن فایده‌لنیب جناب نور برقرارلیک و یقینلیک سیلاو تیمی‌گه قوشیلیشی خصوصیده سعی و حرکت قیلماقده.
ایتیلیشیچه، بو اوچره‌شوولرنی مقدمه‌سی توزه‌لگن و جناب نور برقرارلیک و یقینلیک سیلاو تیمی‌گه قوشیلیشی خصوصیده علاقه کورستگن.
منبع‌گه کوره، اوتگن کیچه ساعت 10 ده حنیف اتمر باش وزیرلیک پستی ایجاد ایتیلیشی توغریسیده عطامحمد نورگه سونگی جوابی نی ایتیشی اوچون قرار قیلینگن ایکن، بیراق حاضرگه‌قدر بو توغریده جواب بیریلمه‌گن.
منبع نینگ کوپه‌یتیریشیچه، تینچلیک و برابرلیک سیلاو تیمی بیرینچی اورین باسری یونس قانونی حاضرده تشقی اولکه‌لرده دیر و جناب قانونی کیلیشی بیلن عطامحمد نور و حنیف اتمر آره‌سیده بولگن تارتیشوولرنینگ سرنوشتی بیللی ایتیله‌دی.
.jpg)
منبع نینگ ایتیشیچه، حنیف اتمر بیلن کیلیشوو صورت تاپمه‌گن حالده، عتیق‌الله بریالی، اسماعیل خان، یونس قانونی، فوزیه کوفی و بسم‌الله محمدی لرنی تینچلیک و برابرلیک سیلاو تیمی‌دن حمایت قیلمه‌یش‌لری ممکن.
بو توغریده تینچلیک و برابرلیک سیلاو تیمی فکرینی آلیش اوچون سعی و حرکت قیلدیک، بیراق موفق بولمه‌دیک.
تینچلیک و برابرلیک سیلاو تیمی نینگ باشلیغی محمدحنیف اتمر کیله‌جک‌لرده هم حاضرگی نظام دوام تاپیشی‌گه تاکید قیله‌دی، بیراق مذکور تیم بیرینچی اورین باسری یونس قانونی و جمعیت حزبی نینگ اجرایی باشلیغی عطامحمد نور باش وزیرلیک پستی ایجاد ایتیلیشی‌نی طلب قیلگن‌لر.
