ملی بیرلیک حکومتی نینگ اجرایی باشلیغی و جمهورلیک ریاستی نامزدی عبدالله عبدالله نینگ بوگون "دوشنبه" وزیرلر کینگشیده ایتیشیچه، دولتی منبعلر و خلق ارا یاردملر افغانستان اهالیسی نینگ حقی دیر و اوشبو منبعلردن سیلاو کمپاین اوچون فایدهلنیشگه هیچکیم نینگ حقی یوق دیر.
اجرایی باشلیغی نینگ تاکید قیلیشیچه، سیلاو کمپاینلریده حکومت مقاملریدن فایدهلنیش قانونگه قرشی دیر و حکومت مسووللری نینگ طرفسیز قالیشلری کیرهک.
افغانستان بوییچه بیرلشگن ملتلر تشکیلاتی نینگ اورین باسرلیگی یا-ده یوناما بیر اعلامیه آرقهلی، جمهورلیک ریاستی نامزدلریدن سیلاو قانونی و سیلاولر ایرکین کمیسیونی نینگ دستورالعمللری اساسیده سیلاو کمپاینلرینی ایلگری آلیب باریشلرینی سورهگن.
