ملی بیرلیک حکومتی‌نینگ اجراییه رییسی عبدالله عبدالله افغانستان دولتی طالب‌لر بیلن اوتکزیله دیگن تینچلیک مذاکره ده کوچلی موضع‌دن اشتراک قیله‌دی دیگن. اجراییه رییسی بوگون (یکشنبه) خبر ییغین‌ده معلوم قیلیشیچه، ملی بیرلیک حکومتی مملکت‌ده برقرارلیک و امنیت تامین ایتیلیشی اوچون هیچ قنده‌ی سعی وحرکت‌دن چرچمیدی.
جناب عبدالله، هیچ بیر مملکت‌ده ترورچیلرنی حمایت قیلیش بیلن منفعت‌گه ییتمس‌لیگی باره‌سیده تاکیدله‌گن. او، ترروچیلیکنی جهانی پدیده همده بشریت دشمنی دیگن. جناب عبدالله، حکومت ترورچیلرنی ایلدیزدن یوق قیلیش اوچون کوچلی اراده‌گه ایگه دیب معلوم قیلگن.
عبدالله‌نینگ قندوز حادثه‌سی اوچون ایتیشیچه، طالبلرنینگ مذکور ولایتده‌گی جنایت‌لری اولرنینگ سیاستی اوزگرمه‌گی همده اوتگن ییل‌لرگه قره‌گنده بو گروه زوروان بولگن لیگینی انگلته‌دی. او، قندوز شهری طالب‌لر تامانیدن تصرف ایتیلیب اوچ کون باشقرگن‌لیگینی جنگی جنایت دیگن.
تینچلیک مذاکره‌لرده افغانستان حکومتی‌نینگ اشتراک قیلیشی توغریسیده‌گی صحبت‌لر اوتگن هفته پنجشبنه کونی طالب‌لر بیر اعلامیه ترقه‌تیب، افغانستان‌دن خلق ارا کوچلری چیقاریلیشی و اسلامی شریعت تطبیق ایتیلیشی افغانستان حکومتی بیلن تینچلیک مذاکره‌لر قیته باشلینی اوچون اساسی پیش شرط لری بولگنی قید ایتیلگن.
جمهور رییس سوزلاووچی‌سی‌نینگ اورین باسری سیدظفر هاشمی، طالب‌لر بیلن ایکینچی دور مذاکره اوتکزیش اوچون دولت نینگ اساسی شرطی اوتگن اون تورت ییل‌ده قول‌گه کیریتیلگن یوتوقلر سقله‌نیشی همده اساسی قانوندن عبارت دیر.
تینچلیک مذاکره‌لری‌نینگ بیرینچی دوری جاری ییل رمضان آییده پاکستان‌نینگ مری شهریده اوتکزیلگن ایدی. مذکور اولتیریش‌ده ایکینچی ییغین تیزده اوتکزیلیشی ایتیلگن ایدی. اما، طالب‌لر رهبری ملا عمر وفاتی نشر ایتیلیشی بیلن تینچلیک مذاکره‌لرنینگ ایکینچی دوری نا معلوم وقتگچه آرت‌گه قالدیریلدی.
