کابل یشاوچی‌لری کوپینچه عایله‌وی قیین‌چیلیک‌لرینی اوی ایچیده حل ایتیلیشی‌نی ترجیح ایته‌دی و مصلحت بیریش مرکزلرگه مراجعیت قیلمه‌یدیلر.
بیراق، روانشناس‌لرنینگ ایشانچی‌گه کوره، عایله‌وی جنجل‌لرنی یاشیرین سقلش نه‌فقط ییچیم اوچون هیچ قنده‌ی یاردم بیرمه‌یدی، بلکیم جنجل‌لرنی کوپه‌یتیره‌دی.
عایله‌لرگه مصلحت بیرووچی دفترلر نیچه ییل‌دن بویان مملکت‌ده فعالیت قیله‌دی. عین حالده، کوپینچه کیشی‌لر بونده‌ی دفترلر بارلیگی‌دن خبر سیز دیر. شو یوزه‌دن کوپینچه جنجل‌لر و عایله‌وی زوره‌وانلیک‌لر اوی ایچیده باشله‌نیب و اوشه ییرده یکونلنه‌دی.
کابل یشاوچی‌لریدن عبدالمجید و سیدحمیدالله تواب‌نینگ ایتیشیچه، عایله‌وی قیین‌چیلیک‌لرینی حل قیلیش اوچون هیچ قچان مصلحت بیرووچی مرکزلرگه مراجعیت قیلمه‌گن‌لر.
عایله مصلحتچیسی، عایله‌وی قیین‌چیلیک‌لرنی حلی‌ده بیر واسطه رولی‌نی اوینه‌یدی و عایله‌لرگه مصلحت بیریب، عیال، ایر، فرزندلر و آته و آنه‌لرنی بیر-بیراوینی قبول قیلیش‌گه چقیره‌دی.
عین حالده، «حیات گوزل» مصلحتچی مرکز مسؤولی و روانشناس نعمت‌الله شاداب‌نینگ ایتیشیچه، روحی کسل‌لر روانشناس‌لر و مصلحت بیریش مرکزلرگه مراجعت قیله‌دیلر، بیراق اوتمیش‌لرده آز عایله‌لر عایله‌وی جنجل‌لرنی حل قیلیش اوچون عایله مصلحتچیسی‌گه مراجعت قیله‌دی.
جناب شاداب‌نینگ ایشانچی‌گه کوره، عایله‌لرنینگ حرکت‌لری عایله‌وی قیین‌چیلیک‌لرگه اوزگره‌دی و مصلحتچی مرکزلرگه عایله‌لر مراجعت قیلیشی کوپه‌یگن.
شونینگ‌دیک، «قیته امید» مصلحتچی مرکز اساسچیسی عبدالعزیز نجفی‌نینگ ایتیشیچه، عایله‌وی جنجل‌لردن یشاوچیلرنینگ بیلیمی آزلیگی و اولرنینگ ناتوغری رسم و رواجی باعث، کوپینچه جنجل‌لرینی حل قیلیش‌ده مصلحت بیرووچی مرکزلرگه مراجعت قیلمه‌یدیلر و عایله‌وی جنجل‌لرنی سِر شکلده اویده سقله‌یدیلر.
