هرات ولایتی‌نینگ امنیتی بلند مرتبه‌لی رسمی‌لری سونگی وقت‌لرده قول‌گه کیریتگن گزارش‌لریده، قورال‌لی طالب‌لرنینگ هرات ولایت والی‌سی صفتی‌ده تعین‌لنگن شخص کویته کینگشی گروهی‌نینگ باشلیغ‌لری تامانیدن « نیمه اوچون هرات وضعیتی یخشی‌لنگنی؟» باره‌سیده سوراققه توتیلگنی‌نی ایتگن. هرات پولیس قوماندانی انه شو سبب طالب‌لر هرات امنیتی بوزیلیشی اوچون مخصوص گروهی‌نی وظیفه‌لنتیرگن دیگن.
بوگون هرات ولایتی‌ده دایاک برنامه‌سی‌گه قورال اسلحه تاپشیریش مناسبتی بیلن اوتکزیلگن ییغین‌ده سوزله‌گن ولایت امنیه قوماندانی عبدالمجید روزی‌نینگ ایتیشیچه، طالب‌لر هرات امنیتی‌نی بوزیش اوچون حرکت قیلگن‌لر. هرات وضعیتی‌نی بوزیش اوچون وظیفه لنتیریلگن 8 کیشی ترورچی هنوزگچه قول‌گه آلینگنی‌دن خبر بیرگن.
انه شوسبب هم جنگری طالب‌لر سونگی وقت‌لرده هرات ولایتی‌نینگ ایریم ولسوال‌لیک‌لریگه هجوم قیلیش‌نی پلان‌لشتیرگن‌لر.
شونینگ‌دیک ولایت امنیه قوماندانی، ترورچی گروه‌لر قوشنی مملکت‌لر تامانیدن حمایت ایتلیشی باره‌سیده تاکیدله‌گن. مذکور ترورچی گروه‌لر حکومتنی ضعیف‌لشتیریش اوچون سعی وحرکت قیله‌دی.
شوکبی ولایت امنیه قواماندانی جنرال عبدالمجید روزی، جنگری‌لر تهدیدی‌گه روپه ره بولگن کشک کهنه، اوبه و گلران ولسوال‌لیک‌لری‌نینگ ایریم حدودلریده پولیس پوسته‌لری تاسیس ایتیلیشی نیتجه‌سیده امنیت یخشی‌لنگن‌لیگینی بیلدیرگن.
جناب روزی، هرات شهریده هیچ بیر حجت‌سیز موترسایل‌گه شهرده ایله‌نیشی اوچون رخصت بیریلمس‌لیگینی اورغوله‌گن.
عین‌حالده، هرات ولایتی‌نینگ امنیه قوماندانی جناب روزی، ملی کوچ‌لر امنیت تامین ایتیلیشی اوچون کیچه و کندوز تینیم سیز فعالیت قیلیش‌لری توغریسی‌ده اهالی‌گه ایشانچ بیرگن. هیچ بیر گروه و کیمسه‌گه هرات امنیتی‌نی بوزیش اوچون رخصت بیریلمیدی دیدی جناب روزی.
هرات ولایتی چیگره زون تورتینچی پولیس سابق قوماندانی بوندن ایکی کون آلدین نا معلوم قورال‌لی شخص‌لر تامانیدن موترسایکل‌ده مینیلگن شخص‌لر ارقه‌لی آتیب اولدیریلگن بیر چاغ‌ده، هرات‌ده حجت‌سیز موترسایکل‌لرگه رخصت بیریلمس لیگی اوچون قرار آلینگن.
افغانستان غربی‌ده جایلشگن هرات ولایتی ایریم نقطه نظردن اهمیت‌لی بولگنی اوچون نیچه مرته جمهور رییس غنی‌نی بو ولایت‌گه سفر قیلیشی اوچون مجبور قیلگندی. جمهور رییس غنی مذکور ولایت‌گه سونگی بار قیلگن سفریده شیندند (هرات‌ده جایلشگن مملکت نینگ ییریک ولسوال‌لیگی) نی اوچ بولیم‌گه اجره‌تدی.
