طالبان گروهی مرکزی بغلان تومنی‌نینگ منگل‌ها، کوک‌چنار، کاکه‌منگل، قندهاری‌ها و قیصرخیل یشاووچی‌لرینی یشش اویلرینی ترک قیلیش‌لری بارهسیده آگاهلنتیرگن. منگل‌ها منطقه‌سی‌نینگ یشاووچی‌لری، سونگی کونلرده طالبلر منطقه اهالیسی‌نی اوی جایلرینی ترک قیلیش‌لری توغریسی‌ده آگاهلنتیرگن دیدی.
اونگه کوره، یشش اویلرینی ترک قیلمه‌گن‌لر هر قنده‌ی حادثه‌گه دورچار بولگن تقدیریده، مسوولیت اوز بوین‌لریده دیگن طالبلر.
مرکزی بغلان تومنی‌نینگ یشاووچی‌لری، طالبان‌نینگ بو آگاهلنتیرگن‌لیگی‌دن تشویش بیلدیریب ایتیشلریچه، حکومت طالب‌لرنینگ بو تهدیدی آلدینی آلمه‌گن حالده، مذکور منطقه‌لرنینگ اهالی‌سی ییریک قیینچ‌لیکلر بیلن روپه ره بوله دیلر.
منگل‌ها قیشلاغی‌نینگ یشاووچی‌سی نعمت‌الله، جنگری طالبلر ینه بو منطقه‌لرگه هجوم قیلیش نیت‌ده بولگن‌لیک‌لرینی تیل‌گه آلگن. او، محل‌ده اوروش یوزبیرگن تقدیرده، ینه اوروش‌نینگ اصلی قربانی خلق بوله‌دی دیگن.
بغلان ولایتی‌نینگ والی‌سی عبدالستار بارز، طالب‌لرنینگ هر قنده‌ی تهدیدیگه جواب بیریش اوچون تومن‌ده ملی کوچلر بوتونلی تیارگرلیک کورگن‌لر دیگن.
بوگون ولایت‌ده خبری بیر انجمن‌ده اشتراک قیلیب نطق سوزله‌گن ولایت والی‌سی عبدالستار بارز، بوندن بویان جنگری طالب‌لرگه کوک‌چنار، قیصرخیل، منگل‌ها، کاکه‌منگل و قندهاری‌ها منطقه‌لریگه هجوم قیلیش‌گه رخصت بیریلمس‌لیگی اوستی‌ده تاکید ایتگن.
چمه‌سی بیر آی آلدین بغلان ولایتی مرکزی بغلان تومنی‌نینگ اوشبو منطقه‌لری قوراللی طالبلر اشغالی‌د‌ه ایدی؛ اما، افغان میل کوچلری "نویدیک" ناملی ییریک حربی عملیات اوتکزیش بیلن مذکور منطقه‌لرنی قوراللی طالبلر نظارتی‌دن چیقاریش‌گه موفق بولدیلر.
