میدان وردک ولایتی‌نینگ سیدآباد ولسوال‌لیگی‌ده بیر مدرسه طلبه‌لر یوزیگه یاپیلدی.
ولایت والیسی حیاتالله حیات اشتراکی‌ده اوتکزیلگن ییغین‌ده قتنشگن میدان وردک ولایتی‌نینگ معارف اداره‌سی رییسی فضل الرحمن طارق نینگ ایتیشیچه، قورال‌لی طالب ایکی کوندن بیری سیدآباد ولسوال‌لیگی‌نینگ «اونخی» قیشلاغی‌ده «جمالالدین وردک» نامیده‌گی مدرسه‌نی نا معلوم دلیل‌لر سبب طلبه‌لر یوزیگه باغله‌گن‌لر.
جناب طارق مذکور مدرسه‌ده یوزدن آرتیق قرآن قاری‌لری دینی علم‌لر اورگه‌نیش بیلن شغللنه یاتگن‌لیک‌لرینی ایتگن.
شونینگ‌دیک ولایت والیسی حیاتالله حیات دینی مدرسه‌لرنی ایریم وقت‌لر اینیقسه رمضان مبارک ایامیده باغله‌نیشی افغانستان همده اسلام قدریت‌لریگه ضد دیگن. جناب حیاتالله اوشبو مدرسه تیزلیک‌ده طلبه‌لر یوزیگه قیته‌دن آچیلیشی ممکن‌لیگی باره‌سیده سوز بیرگن.
عین‌حالده، ولایت والیسی حیاتالله قوم یاش اولوغ‌لری همده دین عالملری‌دن دین واسلام قدریت‌لریگه کوره هیچ بیر کیمسه گه دینی مدرسه‌لر ایشیگی‌نی یاپیش‌گه رخصت بیرمس لیگی‌نی سوره‌گن.
بو بیلن ایکینچی مرته «جمالالدین وردک» دینی مدرسه‌سی نا معلوم دلیل‌لر سبب قورال‌لی طالب‌لر تامانیدن اوشبو مدرسه‌نینگ طلبه‌لری یوزیه یاپیله‌دی. قورال‌لی طالب‌لر مذکور مدرسه‌نی بیرینچی افغانستان دولتی تامانیدن مالی حمایت‌له‌نیش بهانه‌سی باغله‌گنلیگینی ایتگن ایدی.
