کابل ولایتی‌نینگ قره‌باغ تومنی یشاوچی‌لریدن بیرقطاری‌نینگ ایتیشیچه، قورال‌لی طالب‌لر بو تومن‌ده فعالیت قیله‌دیلر و اولر اهالی‌نی قیین‌چیلیک‌که روپه‌ره قیلگن‌لر.
اولرنینگ ایتیشیچه، طالب‌لر کیچه تاماندن شب‌نامه ترقه‌تیب، دولتی ایشچی‌لرنی قیدیریب و اولرنینگ وظیفه‌لرینی ترک ایتیش‌گه مجبور قیله‌دی.
قره‌باغ یشاوچیسی شاه‌مقصودنینگ ایتیشیچه، طالب‌لرنینگ تهدیدی باعث، اوشبو یشاوچی‌لریدن بیرقطاری، یشش محل‌لرینی ترک ایتگن‌لر.
قورال‌لی طالب‌لر، قره‌باغ‌لیک‌لردن اوشبو گروه‌گه قوشیلیش‌لری و دولت حمایتی‌دن قول تارتیش‌لرینی سوره‌گن.
قره‌باغ یشاوچی‌لری، حکومت‌دن بو تومن‌ده طالب‌لرنینگ فعالیت‌لرینی باشقریشی‌نی سوره‌گن‌لر.
قره‌باغ محلی رسمی‌لری، مذکور تومن‌ده طالب‌لرنینگ فعالیتی و موجودلیگی‌نی تصدیق قیلگن‌لر.
قره‌باغ حاکمی سمیع شریفی‌نینگ سلام‌وطندارگه ایتیشیچه، بو تومن‌ده طالب‌لرنینگ معلوم مرکزی یوق، بیراق کیچه تاماندن 5- 10 کیشی بولیب ایریم منطقه‌لرگه باریب اهالی‌نی آزار بیره‌دیلر.
قره‌باغ کابل ولایتی‌نینگ تومن‌لریدن بیری بولیب کابل- پروان قتناو یولی‌ده جایلشگن و اوشبو تومن ناتینچ بولگن صورتده، شمالی ولایت‌لردن کیله‌دیگن یولاوچی‌لرنی قیین‌چیلیک‌که روپه‌ره قیله‌دی.
