اوتگن ییل (1394) قوس آیی نینگ 3-سیده روسیه‌لیک ایکّی پیلوت و باشقه 18 حربینی مراز شریفدن فاریاب‌گه آلیب اوچگن تیک اوچر، فاریاب نینگ پشتونکوت تومنیده طالبلر آرقه‌لی نشانگه آلینیب قوله‌تیلگن ایدی.
نتیجه‌ده تیک اوچرده‌گی برچه حربیلر طالبلر قولگه توشگن ایدی. حاضر ولایت نینگ امنیتی مسووللری، اوشبو حربیلرنینگ آلتی ته‌سی آزاد ایتیلگن لیگی باره‌سیده خبر بیرگنلر.
شاهین 209- قول اودونینگ بیرینچی لوا قوماندانی جنتگل کروخیل خبرنی تصدیقلب، آزاد ایتیلگن حربیلر تیکشیرو جریانینی تکمیل قیلیش اوچون فاریاب ملی امنیت اداره‌سیده ایکن لیکلرینی بیلدیرگن. اوشبو حربیلر ایرته گه شاهین 209- قول اردوسیگه قیتریلیشی کوتیله دی.
جناب کروخیل، جنگری طالبلر تیک اوچرنینگ روسیه‌لیک ایکِی پیلوتینی قطرگه یوبارگن و 6 حربی ایسه هنوز حبسه ایکن‌لیگینی تیلگه آلگن.
شاهین 209- قول اردوسی نینگ قوماندانی آزاد ایتیلگن حربیلرنینگ وضعیتی یخشی دیگن.
تیک اوچرده‌گی حربیلردن اوچ ته‌سی طیاره قوله تیلگن پیتده عالمدن اوتگن ایدی.
