بغلان ولایتی بُرکه تومنی‌نینگ بیر قنچه اوقیتوچلری، طالبان اعضالری قربان هییتی کیلمس‌دن آلدین بولردن هییتلیک آلگن لیگینی ایتگنلر.
قوراللی طالبلر مذکور تومن معارف اداره‌سی‌نینگ ملازملرینینگ اسد آیی معاشی‌دن 500 افغانی هییتلیک قول‌گه کیریتگنلر
بُرکه تومنی تنگی‌مُرچ مکتبی‌نینگ اوقیتوچیسی بولمیش نقیب‌الله و میرویس رادفرلرنینگ سلام‌وطندارگه معلوم قیلیشیچه، جنگری طالبلر ولسواللیک نینگ معارف مدیریتی‌گه تاثیری بولگنی باعث طالبان گروهی قانون قاعده‌لری عمل‌گه آشیریش اوچون سعی و حرکت قیله‌دی.
تومن معارف اداره‌سی رسمیلرینی تفاوت‌سیزلیککه عیبله‌گن مذکور اوقیتوچیلر، بو توغریده‌گی آوازلرینی هنوزگچه هیچ بیر اداره ایشیتمه‌گن لیگیدن نالیگنلر.
نقیب‌الله و میرویس ناملی اوقیتوچیلر حکومتدن بو قیین چیلیککه تیزلیکده پایان بیریلیشی‌نی طلب قیلگنلر.
بُرکه تومنی‌نینگ بعضی منطقه‌لریده‌گی مکتبلرگه قوراللی طالبلرنینگ حاکمیتی بولگن لیگینی اعتراف قیلگن بغلان معارف اداره‌سی‌نینگ سوزلاوچسی احمدبشیر آرین، بوتومن‌ده اوقیتوچیلردن طالبلر هییتلیک آلگن لیگیدن خبرسیز ایکن لیکلرینی تیل‌گه آلگن. سوزلاوچی، اسد آیی‌نینگ معاشی مکتبلرنینگ باش اوقیتوچیسی همده آمرلریگه بیریلگن لیگینی اظهار قیلگن.
بوندن آلدین هم اخبارات واسطه‌لریده بُرکه تومنی مکتبلری اوقیتوچیلری‌نینگ آیلیکلری بیریلمه‌گنلیگی حقیده گزارشلر نشر بولگن ایدی.
