میدان وردک ولایتی کینگش مسئوللری و یشاوچی‌لری ساغلیک ایشلاوچی‌لریدن 3 ته‌سی مذکور ولایت نینگ جلریز تومنیده، طالبان گروهی آرقه‌لی اوغیرلنگنیدن خبر بیریشگن. بو حادثه اوتگن پنج‌شنبه کونی اوشبو تومنده یوزبیرگن.
میدان وردک ولایتی کینگش مسئوللری و یشاوچی‌لری نینگ ایتیش‌لریچه، مذکور ساغلیک ایشلاوچی‌لری کرونا ویروسی توغریسیده اوشبو تومن یشاوچی‌لریگه معلومات بیره‌دیگن بیر حالده، طالبان گروهی آرقه‌لی اوغیرلنگن.
میدان وردک ولایتی کینگش اورین‌باسری شریف‌الله هوتک طالبان گروهی‌دن، اوشبو ساغلیک ایشلاوچی‌لری نینگ قوییب یوباریش‌لرینی سوره‌گن.
میدان وردک محلی و امنیتی مسئوللری حاضرگچه بو توغریده رسمی فکر بیلدیریشمه‌گن.
عین حالده، طالبان گروهی هم بو حقده حاضرگچه هیچ بیر نرسه دیمه‌گن.
شوندی بیر حالده اوتگن هفته طالبان گروهی سوزلاوچیسی ذبیح‌الله مجاهد، مذکور گروه نظارتی‌ده بولگن منطقه‌لرده کرونا ویروسی اثبات‌لنگن حالده، طبی موسسه‌لرنینگ فعالیت قیلیشی اوچون، بو گروه اوشبو منطقه‌لرده اوروش نی توخته‌تیش گه تیار دیگن ایدی.
