پنجشیر محلی مسئوللری نینگ ایتیش‌لریچه، بوگون (سه‌شنبه ۱۸- سنبله) توشدن آلدین طالبان جنگری‌لری بو ولایت نینگ آبشار تومنیده هجوم قیلگن.
پنجشیر ولایتی کینگش باشلیغی عزم‌الدین میرزایی نینگ سلام‌وطندارگه ایتیشیچه، کمیده ۳۰ طالب آبشار تومنی نینگ «شهر غلغله» و «قلعه‌تری» قیشلاق‌لریده هجوم قیلگن.
اونگه کوره، آبشار تومنیده مردمی کوچلر طالبان گروهی گه قرشی قورال کوتارگن.
اونینگ کوپه‌یتیریشیچه، شونینگدیک طالبان بوندن آلدین هم بو قیشلاق‌لرگه هجوم قیلگن ایدی.
پنجشیر حاکمی اورین‌باسری محمد امین صدیقی نینگ ایتیشیچه، امنیتی کوچلر پنجشیر مرکزی و آبشار تومنیدن طالبان هجوم قیلگن محل تامان یول آلگن.
آبشار تومنی پنجشیر مرکزی نینگ ۴۵ کیلومترلیگیده قرار تاپگن.
پنجشیر افغانستان نینگ تینچ ولایت‌لردن بیری سنله‌دی.
