اوتگن "چهارشنبه" کونی شام چاغیده طالبان محبوس‌لریدن 100 ته‌سی بگرام قماقخانه‌سیدن قوییب یوباریلدی. ملی خوفسیزلیک کینگشی نینگ ایتیشیچه، مذکور محبوس‌لر جمهور رئیس غنی تامانیدن تحلیف مراسمی کونیده صادر قیلینگن فرمان اساسیگه قوییب یوباریلگن.
محمداشرف غنی تحلیف مراسمی کونیده دولت قماقخانه‌لریده بولگن 5 مینگ طالب نینگ قوییب یوباریلیش خصوصیده فرمان صادر قیلیب و مذکور محبوس‌لرنینگ تدریجی شکلده قوییب یوباریلیشی‌نی بیلدیرگن ایدی.
بگرام قماقخانه‌سی مسوول‌لری قوییب یوباریلگن محبوس‌لرنینگ سانی خصوصیده فکر بیلدیرمه‌یدی، بیراق قوییب یوباریلگن محبوس‌لردن بیری نینگ سلام‌وطندارگه ایتیشیچه، همراه‌لریدن 100 ته‌سی او بیلن بیرلیکده قوییب یوباریلگن.
بگرام قماقخانه‌سیدن قوییب یوباریلگن محبوس‌لردن بیری شمس‌الرحمان نینگ سلام‌وطندارگه ایتیشیچه، عمری‌دن 5 ییل و 5 آی‌نی اوشبو قماقخانه‌ده اوتکزگن و حاضرده جمهور رئیس نینگ فرمانی اساسیگه قوییب یوباریلگن و خرسند دیر.
بگرام قماقخانه‌سی مسوول‌لری نینگ ایتیشیچه، اوشبو رقم محبوس‌لر ملی خوفسیزلیک کینگشی آدرسیدن کیلگن بیرهیات حضوریده قوییب یوباریلگن.
اوتگن "چهارشنبه" کونی شام چاغیده ملی خوفسیزلیک کینگشی تامانیدن نشر قیلینگن اعلامیه‌گه کوره، طالبان محبوس‌لریدن 100 ته‌سی بگرام قماقخانه‌سیده کرونا ویروسی‌نی مهار قیلیش و تینچلیک سعی و حرکت عنوانیده قوییب یوباریلگن.
اعلامیه‌ده ایتیلیشیچه، قوییب یوباریلگن محبوس‌لر ملی خوفسیزلیک عمومی ریاستی و باش قاره‌لاوچیلیک اداره‌سی تامانیدن بایومتریک قیلینگن و قیته‌دن اوروش میدانی‌گه بارمه‌یش‌لری خصوصیده ایشانچ بیرگن‌لر.
اعلامیه‌گه کوره، دوحه‌ده طالبان رهبرلری قوییب یوباریلگن محبوس‌لرنینگ قیته‌دن اوروش میدانی‌گه بارمه‌یش‌لری خصوصیده ایشانچ بیرگن.
ملی خوفسیزلیک کینگشی تامانیدن نشرقیلینگن اعلامیه نینگ بیر بولیمیده ایتیلیشیچه، طالبان گروهی بیلن مذاکره ایشیگی‌نی آچیق قایش خصوصیده افغانستان حکومتی تعهدلی دیر.
