بوگون «جمعه، 15- سنبله» ایرته‌لب ساعت 6 اطرافیده طالبان گروهی تورت تاماندن فراه شهری گه هجوم قیلگن و حاضرگه‌قدر امنیتی کوچلر و طالبان آره‌سیده آتیشمه دوام ایتماقده.
سلام‌وطندارگه صحبت بیرگن فراه پولیس قومندانلیگی سوزلاوچیسی محب‌الله محب نینگ ایتیشیچه، طالبان گروهی فراه پولیس قومندانلیگی نینگ تورت کیلومترلیگی‌ده جایلشگن و حاضرگچه امنیتی کوچلردن 5 ته‌سی هلاک ایتیلیب و یره‌لنگن و طالبان حربی کوچلرنینگ جلب‌وجذب قومندانلیگی‌نی نظارت گه آلیب اوت بیرگن.
اوشبو آتیشمه‌ده حاضرگه‌قدر 18 جنگری طالب هلاک و باشقه 12 ته‌سی یره‌لنگن.
فراه پولیس قومندانلیگی سوزلاوچیسی نینگ آگاه‌لنتیریشیچه، فراه شهری گه هوایی کوچلر ییتیشمه‌گن صورتده، بو شهر طالبان نینگ قولی گه سقوط قیله‌دی.
طالبان گروهی هم نیچه صورت نشر قیلیب حربی کوچلرنینگ جلب‌وجذب قومندانلیگی نی نظارت گه آلگن‌لریدن خبر بیرگن.
فراه ولایت کینگشی اعضالری نینگ ایتیشیچه، ایریم منطقه‌لردن کیلگن یوزلرچه طالب بو ولایتده توپله‌نیب و فراه شهری اوستیگه هجوم قیلگن.
فراه ولایتی اناردره تومنی نینگ بازاری طالبان نینگ قولی گه سقوط قیلدی
فراه ولایت کینگشی اورین باسری شاه‌محمود نعیمی نینگ ایتیشیچه، اوتگن کون «پنجشنبه، 14- سنبله» طالبان گروهی نیچه تاماندن اناردره تومنی گه هجوم قیلگن و مذکور تومن بازارینی باشقه نیچه قسمتی بیلن نظارت آلگن.
اونینگ ایتیشیچه، پولیس قومندانلیگی نینگ بِناسی امنیتی کوچلرنینگ قولیده دیر و آتیشمه‌لر بیر آز سسته‌یگن.
فراه ولایت کینگشی اورین باسری نینگ کوپه‌یتیریشیچه، طالبان گروهی اناردره تومنی نینگ بوتونله‌ی نظارت گه آلیش اوچون سعی و حرکت قیله‌دی.
فراه پولیس قومندانلیگی سوزلاوچیسی محب‌الله محب، اناردره تومنی گه طالبان نینگ هجومی نی تصدیقلیدی، بیراق مذکور تومن بازاری سقوط قیلگنینی رد قیله‌دی.
شو توغریده…
فراه ده یول چیککه‌سیده‌گی ماین پارتلشی عاقبتی‌ده 32 یولاوچی جان بیرگن
