فاریاب حاکمی نقیب‌الله فایق نینگ ایتیشیچه، طالبان اوشبو ولایت دهندره سوو توغانی نینگ قوریلیش ایشیگه توسیق بولگن.
اونینگ ایتیشیچه، محلی طالبان عام‌المنفعه پروژه‌لرنینگ ایشی‌نی توختمه‌یدی و بو پروژه نینگ قوریلیش ایشی طالبان نینگ چیت‌ایللیک مملکت‌لرده بولگن رهبرلری بویروغی اساسیده توخته‌تیلگن.
فاریاب حاکمی نینگ ایتیشیچه، بوندن آلدین هم طالبان گروهی المار سوو توغانی نینگ قوریلیش ایشیگه توسیق بولگن ایدی.
فاریاب ولایتی کینگش اعضاسی فضل‌الحق محمدی نینگ ایتیشیچه، ولایتی کینگش اعضالری محل یشاوچی‌لری نینگ یاردمی بیلن بو موضوعی حل قیلیش اوچون سعی و حرکت قیله‌دی، بیراق پروژه طالبان ساحه‌سیده و اولر پروژه نینگ قوریلیش ایشیگه توسیق بوله‌دی.
فاریاب ولایتی بوییچه حج و اوقاف ریاستی باشلیغی گل احمد لطفی نینگ ایتیشیچه، طالبان گروهی هردایم رواجلنتیریش پروژه‌لرگه توسیق بولگن. او طالبان نینگ بو حرکتی‌نی اخلاق و انسانیت‌گه قرشی عنوان قیله‌دی.
میمنه بلدیه‌سی جاوید کیوان نینگ ایتیشیچه، دهندره سوو توغانی پروژه‌سی اهالی‌گه تیگیشلی و طالبان بو ایش بیلن اهالی نینگ آذیق-آوقاتی‌نی آله‌دی.
فاریاب محلی مسووللریگه کوره، طالبان بونده‌ی ایش‌لرگه دوام بیرگن صورتده، محل یشاوچی‌لری نینگ جدی واکنش‌لری بیلن روپه‌ره بوله‌دی.
دهندره سوو توغانی 1396- ییل 30 عقرب ده فاریاب ولایتی نینگ پشتونکوت تومنیده باشلنگن ایدی و بو پروژه ایشی حاضرگه‌قدر یکونلنمه‌گن.
