طالبان زوروانلیک‌لرنی کمه‌یتیریش توغریسیده‌گی افغانستان تینچلیگی بوییچه آمریکا خاص نماینده‌سی نینگ تکلیفی گه عکس‌العمل کورسه‌تیب ایتیشیچه، طالبان گروهی افغانستان حکومتی بیلن آتیش کیسین قیلیشی توغریسیده‌گی آمریکانینگ تکلیفی نی منطق‌سیز و فرصت طلب‌لیک دیر.
بوگون (یکشنبه 7- ثور) ایرته‌لب افغانستان تینچلیگی بوییچه آمریکا خاص نماینده‌سی زلمی خلیلزاد نینگ ایتیشیچه، رمضان آیی انسانی ایشلر اوچون ساغلیک فاجعه یکونلنیشی گه قدر آتیش کیسین قبول قیلیش بیلن زوروانلیک میزانی نی کمه‌یتیریش و حربی هجومی عملیات‌لرنی توخته‌تیش اوچون طالبان گه فرصت بیره‌دی.
بوگون (یکشنبه 7- ثور) طالبان گروهی سوزلاوچیسی ذبیح‌الله مجاهد نینگ توییتر صحیفه‌سیدن ترقه‌تیلگن اعلامیه‌ده کیلیشیچه، طالبان تینچلیک و اوروش یکونله‌نیشی توغریسیده اوز مسئولیتی نی عملی قیلگن.
طالبان هردایم افغانستان حکومتی و آمریکا نینگ تینچلیک کیلیشوونامه‌سی نینگ نقض ایتیش گه عیبله‌گن و شونینگدیک مذکور گروه نینگ بوگونگی اعلامیه‌سیده کیلیشیچه، افغانستان حکومتی طالبان محبوس‌لری نینگ قوییب یوباریش پروسه‌سینی آرتده قالدیرگن و شونینگدیک مذاکره قیله‌دیگن هیأت نینگ تشکیل ایتیشی گه هم ناکام بولگن.
طالبان گه کوره، تینچلیک تأمین ایتیلیشی اوچون یالغیز یول، تینچلیک و خوفسیزلیک پروسه‌سی توغریسیده عملی اَدیم کوتاریش دیر.
عین حالده، مذکور گروه نینگ اعلامیه‌سیده کیلیشیچه، ناتو تینچلیک کیلیشوونامه‌سی گه قرشی افغانستان امنیتی کوچلری نینگ جهازلنتیریب و اوروش نی کوپه‌یتیرگن.
طالبان افغانستان حکومتی نینگ اوروش نی دوام بیریش گه عیبله‌گن بیرحالده، جمهورلیک ریاست سوزلاوچیسی صدیق صدیقی نینگ ایتیشیچه، حکومت اوروش یکونله‌نیشی اوچون زوروانلیک نی کمه‌یتیریش توغریسیده بولگن تکلیف گه ایجابی جواب بیریب و ییترلیچه اقدام جمله‌دن، مذاکره قیله‌دیگن هیأت تشکیل ایتیلیشی و محبوس‌لرنی قوییب یوباریش بویروغی نی عملی قیلگن.
شونینگدیک اوتگن کون (شنبه 6- ثور) ملی خوفسیزلیک کینگش دفتری نینگ ایتیشیچه، طالبان تینچلیک کیلیشوونامه‌سی امضالنگنیدن کیین کونده امنیتی کوچلرگه قرشی 51 هجوم اویوشتیرگن کیم مذکور هجوم‌لر نتیجه‌سیده، کونده کمیده 15 تینچ‌اهالی هلاک و یره‌لنگن.
مذکور نهاد سوزلاوچیسی جاوید فیصل خبری بیر ییغین اوتکزیب ایتیشیچه، طالبان آمریکا بیلن تینچلیک کیلیشوونامه‌سی نینگ امضاله‌گندن کیین افغانستان خوفسیزلیک کوچلری گه قرشی 2 مینگ و 804 هجوم اویوشتیرگن. اونگه کوره، مذکور هجوم‌لرده 789 تینچ‌اهالی هلاک و یره‌لنگن.
طالبان گروهی بیر هفته جریانیده آتیش کیسین توغریسیده افغانستان حکومتی تامانیدن بیریلگن تکلیف گه ایکی مرته منفی جواب بیردی.
شونینگدیک اوتگن جمعه کونی ناتو تشکیلاتی طالبلردن تینچلیک‌که ایریشش اوچون زوروانلیکلر میزانی نی قویی درجه گه سقلش‌لرینی سوره‌دی. ناتو نینگ اعلامیه‌سیده کیلیشیچه، طالبان آرقه‌لی زوروانلیک میزانی قبول قیلینمس دیر.
