د جوزجان د اقچې ولسوالۍ امنیه قومندان محمدایوب سلاموطندار ته وايي، د طالبانو ډلې له شلو کالو کمعمره، شپاړس او اوولس کلن ماشومان د ځانمرګو بریدونو زدهکړې لهپاره پاکستان ته استولي دي.
د هغه په وینا، د دغو ماشومانو شمېر نږدې ۲۰ ته رسېږي؛ کورنۍ یې د برخلیک په اړه کره معلومات نهلري.
د جوزجان یو شمېر اوسېدونکي هم د دې ولایت ولسوالیو کې د طالبانو د ترهګریزو فعالیتونو له پراخېدو اندېښنه څرګندوي او وايي، که حکومت د جوزجان وضعیت ته پام ونهکړي؛ دا ولایت به د طالبانو په پوځي اډې بدل شي.
جوزجان کې د انسانيقاچاق او کډوالو سکرتریت مسوول حسن سلیمي وايي، ماشومانو ته د تروریستي او پوځي زدهکړو ورکول او د هغوی پېر او پلور انسانيقاچاق او جرمه ګڼل کېږي.
پر دې ټولو سربېره، د طالبانو ویاند ذبیحالله مجاهد یوې خبرپاڼې کې پاکستان ته د تروریستي زدهکړو ترلاسه کولو لهپاره د ماشومانو استولو ادعا بېاساسه بولي.
