میدان وردک ولایتی نینگ محلی بلند مرتبه‌لی رسمیلری بوگون (چهارشنبه) ایرتلب اونلب جنگری طالب جلریز تومنی نینگ بوتون پوسته‌لریگه هجوم قیلگن دیدیلر.
سلام‌وطندارگه صحبت بیرگن جلریز تومنی نینگ حاکمی نقیب‌الله حیدری، حاضر هم افغان ملی کوچلری بیلن جنگری طالبان اورته‌سیده پوسته‌لرده اوروش دوامی بار دیگن. یاردمچی کوچلر منطقه‌گه بارگن دیدی تومن حاکمی.
جناب حیدری، هنوزگچه 2 پولیس داخل 5 طالب هلاک بولگن و بیر قنچه نفر ایسه یره‌لنگن لیگینی بیلدیردی. اونینگ سوزلریگه کوره، آتیشمه جریانیده قوراللی طالبلرنینگ تورن ناملی تانیقلی بیر قوماندانی هم نابود بولگن.
نامی فاش قیلین‌مسلیک شرطی بیلن سلام‌وطندارگه صحبت بیرگن امنیتی بیر منبع، جنگری طالبان کابل – بامیان ترافیک یولینی یولاووچیلر یوزیگه یاپگن دیگن.
طالبان حرکتی نینگ سوزلاوچی ذبیح‌الله مجاهد، هنوزگچه جلریزده ملی کوچلرگه تعلقلی ایکّی پوسته تصرف قیلینگن‌لیگینی معلوم قیلگن.
وردک ولایتی نینگ جلریز تومنی جنگری طالبان آرقه‌لی هجوم آستیگه آلینگن بیر پیت‌ده، پایتخت کابل‌ده ییریک بیر انتحاری هجوم صادر قیلیندی. پارتلش‌د‌ه 80 انسان قربان بولگن و 345 کیشی ایسه یره‌لنگنی ایتیله‌دی.
