بغلانلیک بیر عسکر 6 ییل ملی اردو کوچلری صفیده خذمت قیلگن. او، اوروش‌ده بیر ایاغینی قولدن بیرگن. حاضر بی‌تقدیرلیک قولیدن تیریک قالیش اوچون تیله‌نچیلیک قیله‌دی.
فضلالحق ناملی ملی اردونینگ سابق عسکری، 6 ییل اینگ یامان شرایطلرده ولایت مه ولایت اوروشلرگه باریب وظیفه بجرگن‌لیگینی ایته‌دی. لیکن، حاضر بیر آغیز نان تاپیش مقصدیده پلخمری شهریده تیله‌نچیلیک قیله‌دی.
اونینگ سوزلریگه کوره، بیر ایاغینی قولدن بیرگن‌دن کیین ناگرانلیک حسبایدن آیلیک قولگه کیریتیش اوچون اونلب ایشک‌که باش اورگن، اما سلبی جواب آلگن.
فضلالحق، نیچه وقت‌دن بیری حیات‌دن تویگن لیگینی تیلگه آله‌دی. نیچه مرته جانی‌گه سوء‌قصد قیلگن لیگینی اظهار قیلگن فضلالحق بو ایش‌گه آنه‌سی مانع بولگن.
اما، مدافعه وزیرلیگی نینگ مسووللری، شهید بولگن همده ناگران بولگن ملی اردونینگ بوتون حربیلریگه آیلیکلری منتظم روش‌ده توله‌نیلیشینی اظهار قیلگنلر.
وزیرلیک نینگ سوزلاووچیسی دولت وزیری، فضلالحق آیلیگینی قولگه کیریتیش اوچون موفق بولمه‌گن لیگی‌گه اوزی عیبدار دیدی.
اما، ملی اردونینگ سابق بو عسکری، ناگرانلیک حقوقینی قولگه کیریتیش اوچون هر بیر بار دولت اداره‌لریگه باش اورگن پیت‌ده، ایشی بجریلیشی اوچون پاره سوره‌گن لیکلرینی ایته‌دی.
مذکور ناگران عسکر، مالی امکانیت همده آیلیگینی قولگه کیریتش اوچون هیچ بیر تانیش بیلیشی بولمه‌گن لیگینی بیلدیرگن.
عین حالده، بوندن نیچه وقت آلدین سلام‌وطندار ترماغی بغلانلیک باشقه بیر ناگران عسکرگه اساسلب تیارله‌گن گزارش‌ده، مذکور ناگران حربی عسکر ناگرانلیک حقوقی وقتیده بیریلمس‌لیگی خصوصی‌ده شکایتلر قیلگن ایدی.
