وسلهوالو طالبانو د غور ولایت د فيروزکوه له اللهیار کلي نه د یوې ښځینه په ګډون ۵ تنه واکسیناتوران هغه مهال تښتولي چې په همدې کلي کې د واکسینو پر تطبیق بوخت وو.
د غور ولایت د عامې روغتیا رییس غلامنبي یګانه سلام وطندار ته د دې خبرې په تایید سره وویل چې وسلهوالو طالبانو روغتیايي کسان پهدې پار نیولي چې د واکسینو د تطبیق پروسه یې د دوی له کلي څخه نه وه شروع کړې.
د غور د امنیت امر ضیا الدین ثاقب هم وايي چې د فیروزکوه اللهیاره کلی د طالبانو تر ادارې لاندې دی او دوی تر اوسه د روغتیايي کارکوونکیو د راخلاصولو لهپاره هېڅ ډول هڅه نهده کړې.
ښاغلي ثاقب وویل چې ځايي مشرانو د دې کسانو د راخلاصولو لهپاره له طالبانو سره خبرې ـ اترې پیل کړېدي.
اللهيار کلی د غور د فيروزکوه ښار غربي ډډې ته پروت دی چې د ناامنیو سیمو څخه ګڼل کېږي او تر ډېره د طالبانو تر ادارې لاندې وي.
طالبانو تر دامهاله پهدې اړه څه نهدي ویلي.
