د غزني ولایتي شورا غړی عبدالجامع جامع سلاموطندار ته وايي، وروسته له هغې چې طالبانو تېره شپه له امنیتي ځواکونو سره جګړه کې ماته وخوړه؛ د اندړ ولسوالۍ میري سیمې کې یې د سلطان شهابالدین غوري لېسه وسوځوله.
ښاغلي جامع وویل، دې ښوونځي کې شاوخوا ۴ زرو زدهکوونکیو زدهکړې کولې چې په سوځېدو سره یې ټول زدهکوونکي له زدهکړو له پاتې شول.
د غزني امنیه قوماندان فرید مشعل هم وايي، طالبانو تېره شپه اندړ ولسوالۍ کې یو ښوونځی سوځولی دی.
خو د غزني د پوهنې رییس محیبالرحمان انصار وايي، اندړ ولسوالۍ کې د سلطان شهابالدین لېسې د تېرې شپې د نښتې پرمهال، د توغنديز برید له امله اور اخېستی دی.
د غزني د پوهنې رییس په وینا، د امنیتي ستونزو او د اندړ ولسوالۍ لارو تړل کېدو له امله د اور وژونکې ډلې هم د اور مړکولو لهپاره هڅه نهده کړې.
طالبانو تراوسه پهدې اړه نظر نهدی ورکړی. دا په روان ښوونیز کال کې لومړی ښوونځی دی چې په غزني ولایت کې سوځول کېږي.
